Ky vit shënon përvjetorin e 30-të të Bashkëpunimit Gjermano-Shqiptar për Zhvillim. Në këto 30 vite dy vendet tona i kanë dhënë udhë bashkërisht një numri të madh projektesh në sektorë të shumtë e të ndryshëm, duke arritur suksese të konsiderueshme për zhvillimin e Shqipërisë pas periudhës së gjatë të izolimit prej disa dekadash.
Ky sukses i partneritetit mes dy vendeve do të festohet në kryeqytetin shqiptar, ku siparin e aktiviteteve do ta ngrejë një festë në rrugë, përpara Piramidës, që ka nisur nga ora 10:00 e do të zgjasë deri në orën 24:00.
Qëllimi i bashkëpunimit gjermano-shqiptar për zhvillim është përmirësimi i kushteve të jetesës së popullsisë së Shqipërisë dhe përafrimi i mëtejshëm i vendit me Bashkimin Evropian.
Punësim që gjeneron të ardhura, rritja ekonomike me impakt të gjerë, furnizimi i sigurt e i qëndrueshëm me energji dhe ngritja e një infrastrukture bazë për ujin dhe mbetjet janë prioritete të këtij bashkëpunimi.
Njoftimi i plotë:
30 vjet i Bashkëpunimit Gjermano-Shqiptar për Zhvillim. Festë në rrugë - përpara Piramidës, më 25 maj. Në vitin 1988, vetëm një vit pas lidhjes së marrëdhënieve diplomatike Gjermania dhe Shqipëria nisën edhe marrëdhëniet e bashkëpunimit në politikat për zhvillim.
Në këta 30 vjet dy vendet tona i kanë dhënë udhë bashkarisht një numri të madh projektesh në sektorë të shumtë e të ndryshëm duke arritur suksese të konsiderueshme për zhvillimin e Shqipërisë pas periudhës së gjatë të izolimit prej disa dekadash. Kushtet e jetesës së popullit shqiptar janë përmirësuar dukshëm ndër të tjera edhe falë këtij bashkëpunimi të shkëlqyer duke kontribuar kësisoj, që Shqipëria të afrohet më shumë me Bashkimin Evropian. Ne dëshirojmë të festojmë këtë sukses të partneritetit tonë. Siparin e festimeve të përvjetorit do ta ngrejë një festë në rrugë përpara Piramidës në Tiranë në datën 25 maj, nga ora 10:00 deri në orën 24:00.
Atje do të ketë stenda me informacione dhe aktivitete të shumta me ndërveprim publik rreth bashkëpunimit për zhvillim. Krahas kësaj është planifikuar edhe një program tërheqës skenik: në orën 15.00 do të jetë Trupa Kombëtare e Cirkut që do të habisë të madh e të vogël; prej orës 17.30 Eco Fashion Shoë do të prezantojë Haute Couture të modës së riciklimit; dhe duke nisur nga ora 20.30 do të ketë muzikë live nga Peter Pan Quartet, 3:56 dhe Asgje Sikur Dielli. Ndërsa për mirëqenien kulinare do të kujdeset një kënd birrarie. Programi i detajuar i bashkëngjitet kësaj deklarate.
Rreth sfondit:
Qëllimi i bashkëpunimit gjermano-shqiptar për zhvillim është përmirësimi i kushteve të jetesës së popullsisë së Shqipërisë dhe përafrimi i mëtejshëm i vendit me Bashkimin Evropian.
Punësim që gjeneron të ardhura, rritja ekonomike me impakt të gjerë, furnizimi i sigurt e i qëndrueshëm me energji dhe ngritja e një infrastrukture bazë për ujin dhe mbetjet janë prioritete të këtij bashkëpunimi. Por përtej kësaj, Gjermania është aktive edhe në sektorët e ruajtjes së biodiversitetit dhe mbrojtjes së klimës e mjedisit, në atë të konsulencës mbi mundësitë ligjore të emigrimit drejt Gjermanisë si dhe të mbështetjes së integrimit të personave të rikthyer. Mbështetja gjermane, përllogaritur prej vitit 1988, shkon gjithsej në më shumë se 1 miliard euro. Gjermania është kësisoj një prej donatorëve më të mëdhenj e më të rëndësishëm për Shqipërinë.
(Njoftimi për aktivitetet në festë)
Lajme të tjera
-
Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille
27 Nëntor, 22:55 -
DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr
27 Nëntor, 22:46 -
Spahiu: Meqë Berisha kërkon qeveri teknike me PS, uroj që Rama ta bëj ministër 4 vite
27 Nëntor, 22:41 -
Spahiu: Lirimi i Berishës nuk është vendim pafajësie por thjesht masë sigurie
27 Nëntor, 22:38 -
Po tani, ka drejtësi zoti Berisha ?
27 Nëntor, 22:37
-
Kërkesa e opozitës për qeveri teknike, Alimehmeti në 'Repoltix': Duhet vullnet politikë nga PD dhe PS! Zarat janë hedhur! Faik Basha: E nevojshme
27 Nëntor, 22:25 -
Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin
27 Nëntor, 22:19 -
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion
27 Nëntor, 21:56 -
Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi
27 Nëntor, 21:51
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Prag feste, Rama ndan fotoalbumin e fëmijëve veshur kuqezi
27 Nëntor, 21:35
