POP 5

Lajmet më të lexuara të 5 minutave të fundit

Politikë

32 vjet më parë, greva e parë e përgjithshme në vend! Lëvizja e minatorëve tronditi elitën politike, çfarë thoshte Ramiz Alia në vitin 1991

Një nga levizjet e para punëtore që tronditi krerët e politikës shqiptare ishte ajo 32 vjet më parë, e minatorëve të Valiasit, të cilët kërkonin rritje page, dhe vendi ishte futur në inflacion të thellë.

Përmes dokumentave të arkivave, Drejtoria e Përgjithshme kujtoi sot 32-vjetorin e shpalljes se grevës së përgjithshme në vend.

Lëvizja punëtore e minatorëve të Valiasit në janar 1991, tronditi elitën politike të vendit.

“Pa e ekzagjeruar, jemi në prag të anarshisë, e cila, nuk ka dyshim, që do të sjellë konsekuenca tepër të rënda në planin ekonomik, por tepër të rënda edhe në planin politik, sepse anarshia kurrë nuk ka pasur të mira.”-u shpreh Ramiz Alia, kryetar i Presidiumit të Kuvendit Popullor, në një mbledhje të datës 16 janar 1991.

Në një document tjetër arkivor, sipas Gramoz Pashkos, problematika buronte nga gjendja e inflacionit ku ndodhej vendi, i përllogaritur në kuotën prej 30-35 %. Kjo gjendje ekonomike kritike vinte si pasojë e rritjes së konsiderueshme të çmimeve të artikujve bazë të konsumit.

“Këtu nuk është fjala të analizojmë shkaqet e kësaj pune, vonesat dhe zvarritjet që mund të kenë ndodhur. Marrim vesh që punëtorët po përpiqen të krijojnë sindikatat e tyre dhe është e drejta e tyre dhe grevat duhet t’i konsiderojnë me një sens urtësie. Të shikojmë çfarë kërkojnë ata”-citohet të ketë thënë Pashko në mbledhjen me dyer të mbyllura.

Por paavarësisht se u miratua kërkesa e grevistëve për rritjen e pagave të tyre me 60 %, në anën tjetër po formësohej greva e urisë së minatorëve të Valiasit, e cila u bë simbol i lëvizjes punëtore në Shqipëri.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Historiani_Shqiptar: 16/05/2023 22:59

    Nese doni te degjoni audion e plote te takimit https://www.tiktok.com/@historiani_shqiptar/video/7233886623644028166 @Historiani_Shqiptar

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Avioni 'Embraer 190' duhej të përshkonte 500 kilometra nga Baku në Grozny: si përfundoi në anën tjetër të Detit Kaspik?

Avioni 'Embraer 190' duhej të përshkonte 500 kilometra nga Baku në Grozny: si përfundoi në anën tjetër të Detit Kaspik?

25 Dhjetor, 16:43