'​Fëmijët bombë', prindi xhihadist
puth 7-vjeçaren që hedh veten në erë

Siria për përjeton ngjarjet më makabre të historisë botërore. Fëmijë të mbytur në Detin Mesdhe, fëmijë të vrarë nën rrënoja nga bombardimet dhe ‘fëmijë bombë’.  Rasti i fundit vjen përmes kësaj video, ku prindi vret fëmijën me dorën e tij për xhihad.

Ky është moment kur prindërit u japin puthjen e lamtumirës vajzave të tyre 7 dhe 9 vjeç pak para se njëra prej tyre të nisej në një stacion policie në Damask dhe të shpërthente si një bombë.

Babai i puth vajzat, ndërsa më e vogla e tyre pak minuta më pas do të kryente një masakër duke vrarë veten me eksploziv.

Me muzikë në sfond, të ulur mbi një flamur zi e bardhë, ekstremisti mban vajzat për krahu u flet në gjuhën fetare.

[gallery]20228[/gallery]

Në fund të dyja vajzat e mbyllin me një ‘Allahu Akbar”. Më pas heqin burkat, veshin xhupa e kapucë dhe takojnë nënën e veshur kokë e këmbë me të zeza.
Bëhet fjalë për datën 16 Dhjetor, kur një vajzë e vogël qetësisht iu afrua stacionit të policisë në Damask dhe shpërtheu veten ne erë.

Nuk dihet se kush e urdhëroi sulmin por mediat lokale thanë se babai i saj ishte anëtar i Jabhat Fateh al-Sham, të njohur ndryshe si grupim i al-Qaeda të lidhur me Al-Nusra Front.

Një burim nga policia tha se, vajza hyri e përhumbur në stacion dhe kërkoi të përdorte banjën. Ky ishte moment kur stacioni i policisë u hodh në erë.
Nga shpërthimi mbetën të plagosur 3 policë ndërsa dëmet materiale ishin të shumta.