Në variantin hibrid, të mbështetur edhe nga mazhoranca, parashikohet që përfaqësuesit ndërkombëtarë mund të heqin nga lista e kandidatëve për gjyqtarë apo prokurorë, emra që i vlerësojnë si të papërshtatshëm.
Fshirjen e emrave ata nuk duhet ta shpjegojnë e as të japin arsyet përkatëse, e njëkohësisht ky është një vendim i pakundërshtueshëm dhe i paapelueshëm.
Në këtë pikë, PD ka dy propozime: Ndërkombëtarët të japin raport me shkrim dhe me arsye përkatëse se pse kërkojnë fshirjen e një aplikanti nga lista e kandidatëve, dhe së dyti: ky vendim i ndërkombëtarëve për të skualifikuar kandidatët të jetë i apelueshëm dhe të shqyrtohet nga Gjykata Kushtetuese.
Këto çështje priten të marrin zgjidhje brenda së enjtes, kur edhe është parashikuar të votohet paketa e ndryshimeve Kushtetuese.
Redaksia Online
l.q/Shqiptarja.com