Nga selia e partisë që drejton Fatmir Mediu tha se vijat e kuqe a nuk i përcakton asnjë lider politik qoftë kryeminsitri apo kryetari i opozitës përvecse ekspertiza e komisionit të Venecias.
“Opozita është në mbështetje të Reformës në Drejtësi sipas Venecias. Vijat e kuqe nuk i vendos as Rama e as Basha por Venecia. Venecia ka lënë dhe një vijë jeshile që ofron mundësinë për zgjidhje. I bëjmë thirrje Ramës të pranojë zgjidhje sipas nenit 88 të Venecia. Mazhoranca po bën demagogji politike pasi thotë që opozita do të kapë drejtësinë. Është e pabazuar kjo. Votimi me 2 të 3 e zhvlerëson parlamentin, krijon mekanizëm bllokues. Shmang thelbin kushtetues. Çdo veprim i njëanshëm i mazhorancës për të tentuar blerjen e votave është i papranueshëm dhe cënon integrimin e Shqipërisë. Kontaktoj vazhdimisht me Bashën dhe me ambasadorët e SHBA dhe të BE, kemi pasur dhe takime me përfaqësues të bundestagut gjerman. Neni 88 garanton gjyqësor të pavarur. Shpresoj që mazhoranca të reflektojë jo të vendosë vija të kuqe, e vetmja palë që ka interesa të kapë drejtësinë është PS. PS,LSI, PD kanë rënë dakort që rekomandimet e Venecias janë baza për konsensus.”
Opozita tha Mediu është në të drjetën e saj legjitime që kërkon zbatimin tërësisht të draftit final të Venecias, ndërsa dënon çdo përpjekje për blerje votash në parlament.
“Ju bëj me dije se çdo veprim i njëanshëm i mazhorancës në parlament, për të tentuar që ta kthejë parlamentin në një Pazar, duke kërkuar që të blejë vota nga opozita është jo vetëm i papranueshëm, por do të ketë konseguenca të rënda politike dhe me siguri do të cënonte integrimin e Shqipërisë në Europë’ tha ai.
Redaksia Online
(F.T/shqiptarja.com)