U arrestua në flagrancë teksa planifikonte grabitjen e dytë të kazionës në Tiranë mbetet në burg 47 vjeçari, Ilir Leli.

Para gjykatës Leli ka pranuar autorësin e grabitjes teksa ka delaruar se krimin e kreu për tu hakmarrë ndaj lojrave të fatit.

“Atë ditë sapo kisha humbur 100 mijë lekë duke luajtur në kazino, nuk doja të vrisja asnjë, doja vetëm të merrja paratë që kisha humbur e për këtë krim jam i penduar”, ka thënë ai. 

Me këtë dëshmi para togave të zeza, Leli ka pranuar dhe armëmbajtjen pa leje, krime për të cilat rrezikon 10 vite burg.

Aktualisht ndaj 47 vjeçarit po kryhen hetime dhe për përfshirjen në grabitjen e kazionos tek Rruga e Elbasanit dy ditë para arrestimit të tij, por vetë ai ka mohuar para hetuesve të ketë lidhje me këtë ngjarje.

Pas vendosjes së masës së sigurisë arrest me burg ndaj Ilir Lelit policia e Tiranës ka dërguar për ekzaminim në laboratorin e policisë shkencore armën pistoletë TT të sekuestruar 47 vjeçarit për të parë nëse është përdorur apo jo në ngjarje kriminale të mëparshme pasi Leli rezulton pa precedent penal.

Redaksia Online
l.q/Shqiptarja.com