TIRANË- Për herë të parë ka reaguar  edhe ministri i Jashtëm,  Ditmir Bushati për debatin e ditëve të fundit, devijimit të lumit Radika.

Në një postim të rrjetin social Twitter, Bushati ka ironizuar kryetarin e Partisë Demokratike Lulzim Basha duke shkruar:

"Patrioti i detit" kujtohet për lumin! Dokrra prej hini, do të thoshte At Gjergj Fishta."
  Në 2009, ka qenë Lulzim Basha, aktualisht kreu i PD-së në atë kohë mbante postin e  ministrit të Jashtëm që ka firmosur paktin e kufijve detar me ministrin e Jashtme greke të atëhershme, Bakojanis me të cilin një pjesë e detit i falej Greqisë.
 
RAMA DJE: NUK LEJOJMË PREKJEN E INTERESIT TONË
Pasditen e djeshme reagoi edhe kryeministri Rama duke u shprehur se, “nuk do të lejojmë prekjen e interesit tonë” në lidhje me  projektin maqedonas të ndërtimit të hidrocentralit të Fushës së Lukovës i cili devijon rrjedhën e lumit Radika. Ai e ka shtuar se po bëhet “shumë zhurmë për asgjë”, pasi nuk ka ende një projekt konkret.
 
LSI-JA  KA KËRKUAR INTERPELANCË URGJENTE BUSHATIT
Grupi parlamentar i LSI-së është i pari që ka ngritur si sheqetësim çështjen e ngritjes së hidrocentralit nga pala maqedonase në lumin Radika. Kryetari i gripit parlamentar,  Petrit Vasili i kërkoi dje ministrit të Punëve të Jashtme, Ditmir Bushati, interpelancë  urgjente në Kuvend. Kërkesa për interpelancë është firmosur nga shtatë depuetë të LSI-së.

Redaksia online
(e.sh/shqiptarja.com)