'Ujku i Cërrikut', 'suksesi' i vetëm
i protestës, Berisha: Fantastik! 

"Ujku i Cerrikut" duket se ka qenë i vetmi që i ka dhënë "shkëlqim" tubimit të opozitës sot, në mungesë të protestuesve të shumtë që kishte parashikuar Lulzim Basha. 

Ish-kryeministri Sali Berisha ka postuar një fotografi të famozit të rrjeteve sociale, i njohur me nofkën "Ujku i Cërrikut" në Facebook, ku e vlerëson pjesëmarrjen e tij.

Berisha deklaron se fotografia e tij është fantastike duke e konsideruar si "foto të vitit". Në fotot të cilat po qarkullojnë në rrjete sociale, "Ujku i Cerrikut" ka ngjyrosur kokën me ngjyrë blu dhe ka shkruar gërmat "PD". 

(Postimi i Berishës në Facebook)


(Ujku i Cerrikut mes protestuesve të PD)

Pas Kreshnik Spahiut, “kaubojsit” dhe “ujkut” të Cërrikut nuk e dimë se cilët do të jenë elementët e rinj që do të mbledhë PD rreth vetes për të ngritur Republikën e Re.

"Ujku i Cërrikut" përforcon protestën e opozitës
Ndërkohë që në përpara kryeministrisë po mbahej protesta e opozitës, turmës së njerëzve i është bashkuar dhe një "personazh", që ka rënë në sy të protestuesve të tjerë.
 
Bëhet fjalë pikërisht për “Ujkun e Cërrikut”, i cili i është bashkuar sot protestës.

Ai shfaqet me dy gishtat lart dhe me kokën e ngjyrosur ngjyrë blu. 

"Ujku i Cërrikut", ka marrë vizituar edhe në çadrën e opozitës së ngritur para kryeministrisë.

Redaksia Online
l.q/Shqiptarja.com