Ndërsa Trump është duke u marrë me çështjet politike, në Shtëpinë e Bardhë mbetet mister Melania. Ku është vallë Zonja e Parë?

Presidenti është parë me vajzën e tij Ivanka e cila duket se është në rolin e Zonjës së Parë.

Vetëm dy ditë pas betimit në 20 janar Melania ka shkuar në New York për tu kujdesur për të birin 10 vjecar Barron i cili duhet të ndjekë shkollën.

Sikurse u tha edhe më parë Melania do të jetonte për një farë kohe jashtë Shtëpisë së Bardhë.

Modelja sllovene është e para Zonjë që nga viti 1853 e cila jeton jashtë Shtëpisë së Bardhë dhe duket se nuk nxiton të transferohet në Washington.

Por fakti që Melania është një emigrante nga Sllovenia ,po ndikon pozitivisht në turizmin e këtij shteti. 

Shteti ballkanik po përjeton rritje të turistëve vecanërisht turistëve amerikanë. 

Madje në një spot publicitar të këtij shteti thuhet ‘Mirësevini ne vendin ku ka lindur Zonja e Pare e SHBA”

Por nga ana tjetër shumë amerikanë janë vënë në gjurmë për të zbuluar sa më shumë detaje rreth ish modeles.

E ndërsa bota flet, ajo vijon të jetojë larg kamerave. Dhe Zonjën e Parë duket se po e bën vajza e Trump Ivanka e cila është parë duke shoqëruar Donald Trump.

 Ajo e shoqëroi manjatin të vizitonin familjen e ushtarit që u vra në Jemen. 

Por të gjitha këto sjellje ngrenë shumë dyshime nëse Melania do të përmbushë detyrat e saj pranë bashkëshortit të saj tashmë president të SHBA-së.

Redaksia Online
e.m/Shqiptarja.com