POP 5

Lajmet më të lexuara të 5 minutave të fundit

Arkiva

400 kg kokainë nga Argjentina në
Rusi me postën e ambasadës, ja “gracka” e policisë

Në një operacion të paprecedentë të përbashkët policor argjentino-rus si në një film hollivudian, gjashtë persona ranë në pranga në përpjekje për të trafikuar kokainë me vlerë 60 milionë dollarë nga Argjentina përmes postës diplomatike. VIDEO
400 kg kokainë nga Argjentina në<br />Rusi me postën e ambasadës, ja “gracka” e policisë<br>
Në një operacion të paprecedentë të përbashkët policor argjentino-rus si në një film hollivudian, gjashtë persona ranë në pranga në përpjekje për të trafikuar kokainë me vlerë 60 milionë dollarë nga Argjentina përmes postës diplomatike.

Që më 13 dhjetor 2016, ambasadori rus në Argjentinë, Viktor Koronelli, e kishte lajmëruar personalisht ministren argjentinase të Sigurisë, Patricia Bullrich, lidhur me zbulimin e disa pakove të dyshimta në aneksin e shkollës së misionit diplomatik në Buenos Ajres. Autoritetet argjentinase nuk humbën kohë dhe vendosën një skuadër prej 11 ekspertësh për të kontrolluar përbërjen e 12 valixheve të zbuluara nga rusët.

Ai ishte fillimi i hetimeve që zgjatën më shumë se një vit. Pasi morën konfirmimin se çantat ishin plot me kokainë të pastër dje në 2 të natës, për një total prej 389 kilesh, Bullrich, e cila shoqëroi një ekip të ekip të ekspertëve argjentinas në ambasadë, i dha udhëzime skuadrës së policisë që të nxitonte në tregun qendror për të blerë 400 kile miell.

Autoritetet argjentinase e dinin se kishin kohë deri në 6 të mëngjesit përpara se stafi të vinte në punë. Katër orët e mbetura u përdorën nga skuadra për ta zëvendësuar kokainën me miellin dhe për të vendosur gjurmues GPS brenda.

Kur ngarkesa mbërriti më në fund në Moskë me postën diplomatike, ministria e Brendshme ruse ishte gati për të vepruar dhe arrestoi tre persona. Në Argjentinë, autoritetet arrestuan dy anëtarët e tjerë të grupit të trafikut të drogës. Një tjetër person i cili është i përfshirë në këtë çështje është shpallur në kërkim, tha Bullrich. Sipas saj droga, me vlerë mbi 50 milionë euro, dyshohet se vinte nga Kolumbia dhe kishte si destinacion Evropën.

“Ne dimë gjithashtu se në Rusi droga është shumë e shtrenjtë,” tha ajo. “Mund të shërbente për Kupën e Botës në Rusi, ose mund të jetë për konsum normal dhe ne mendojmë gjithashtu se ka një anëtar të organizatës në Hamburg dhe se ai donte ta merrte një pjesë në Gjermani”.

s.k/Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

VIDEOLAJM/ Dita e Pavarësisë, 112-vjetori festohet edhe në Fier! Qytetarët me flamuj kuq e zi paradë në qendër të qytetit

VIDEOLAJM/ Dita e Pavarësisë, 112-vjetori festohet edhe në Fier! Qytetarët me flamuj kuq e zi paradë në qendër të qytetit

28 Nëntor, 19:40