POP 5

Lajmet më të lexuara të 5 minutave të fundit

Shëndeti

450 talasemikë në Shqipëri në vështirësi për gjak! Dhurimi plotëson vetëm 25% të nevojave! Vullnetarja: Hera e parë dhurova gjak për shoqen e djalit

450 talasemikë në Shqipëri janë në vështirësi për të gjetur gjak, pasi dhurimet vullnetare plotësojnë vetëm 25% të nevojave. Luljeta Hidi ka 19 vjet që dhuron gjak dhe thotë se nxitjen fillestare për këtë akt e mori nga një rast personal

'Të dhurosh gjak , të dhurosh jetë! A ka ndjesi më të bukur?!'

Luljeta Hidi dhuron gjak që prej vitit 2004. Edhe ky 14 Qershor e gjen atë duke bërë të njëjtën gjë. Nxitjen fillestare e ka marrë nga një rast personal.

“Unë kam që nga viti 2004 që dhuroj 2  herë në vit rregullisht . E kam filluar nga një histori talasemie, një shoqe të djalit tim që e kisha në klasë e më pas kam vazhduar rregullisht dhurimin e gjakut”.- u shpreh ajo.

Shqipëria ka 600 persona që vuajnë nga sëmundje të gjakut të cilët që fëmijë kanë nevojë të furnizohen vazhdimisht me gjak. Blerta Ndrekaj, koordinatore Kombëtare e dhurimit të gjakut pranë Kryqit të Kuq Shqiptar thotë se dhurimet vullnetare plotësojnë vetëm 25% të nevojave.

Edhe Presidenti i Republikës, Bajram Begaj dhe Zonja e Parë Armanda Begaj, së bashku me stafin, vijuan traditën e dhurimit të gjakut në këtë institucion.

Personeli i drejtorisë se shëndetit parësor në Lushnje si dhe qytetarë të tjerë dhuruan gjak për nevojat e bankës se gjakut. Banka rajonale Lushnjë është ne vështirësi pasi pranë saj trajtohen me transfuzion të sëmurët talasemikë nga e gjithë zona e jugut.

Në Ditën Ndërkombëtare të Dhurimit Vullnetar të Gjakut, mjekët që trajtojnë fëmijët talasemikë, si dhe mjekët e Qendrës Kombëtare të Transfuzionit të Gjakut, apeluan të gjithë qytetarët, për të rritur ndërgjegjësimin për dhurimin vullnetar në ndihmë të fëmijëve talasemikë.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56