4500 policë janë vaksinuar deri më tani, Çuçi: S'ka pasur refuzime apo komplikacione, procesi mbyllet shumë shpejt

4500 policë janë vaksinuar deri më tani, Çuçi: S'ka pasur refuzime apo komplikacione, procesi mbyllet shumë shpejt

Ministri i Brendshëm, Bledi Çuçi

GJIROKASTËR- Deri më tani janë vaksinuar rreth 4500 punonjës policie që janë vaksinuar. Nga Gjirokastra, ministri i Brendshëm, Bledi Çuçi është shprehur se vaksinimi i i uniformave blu pritet të përfundojë në të gjithë vendin brenda disa ditësh, teksa tha se nuk ka pasur asnjë refuzim nga ana e tyre.

“Më në fund po bëjmë edhe këtë hap shumë të rëndësishëm për një trupë e cila ka qenë gjatë gjithë kohës së pandemisë në krye të detyrës, sidomos në periudhën e parë ku do duhej që respektoheshin gjithë masat e mbylljes, por edhe më vonë pastaj për masat e tjera të kufizimeve. Jam shumë i kënaqur që këtu vaksinimi po ecën normalisht. Nuk ka pasur asnjë refuzim asnjë komplikim", tha Çuçi.

Gjatë një komunikimi me mediat, ai vlerësoi rëndësinë e këtij momenti për të gjithë efektivët, të cilët kanë qenë në krye të detyrës që prej mbylljes së parë për shkak të pandemisë e deri për zbatimin e kufizimeve të vendosura nga qeveria. Ministri Çuçi shprehu ngushëllimet për familjet e 29 efektivëve që kanë humbur jetën për shkak të COVID-19.

"Shumë shpejt do të mbarojë ky proces kaq i rëndësishëm për këtë trupë për të cilën duhet të kemi një respekt të veçantë sidomos në kohëra të tilla të fatkeqësive natyrore. Me këtë rast i shpreh edhe njëherë ngushëllimet të 29 familjeve të efektivëve të policisë që kanë humbur jetën për shkak të Covid 19”, tha ministri Çuçi.

Procesi nisi 3 ditë më parë në qendrën e madhe pranë stadiumit “Air Albania” dhe në disa qendra të tjera në mbarë vendin.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Autoriteti Palestinez formon kabinetin e ri

Autoriteti Palestinez formon kabinetin e ri