POP 5

Lajmet më të lexuara të 5 minutave të fundit

Sociale

455 nxënës mësim me turne prej 5 vitesh, protestë në Nikël: Ministria e Infrastrukturës të rindërtojë shkollën e re

Pesë 5 vite pas termetit ende nuk ka nisur puna për rindërtimin e shkollës së Niklës, me 455 nxënës. Banorët protestuan duke kërkuar nga Komisionit të Rindërtimit në varësi të Ministrisë së Infrastrukturës rindërtimin e shkollës. 

Dhjetra banorë të Niklës në Krujë protestuan këtë të martë duke kërkuar rindërtimin e shkollës së mesme të bashkuar “Ramazan Karaj”. 

Për disa minuta ata mbajtën të bllokuar rrugën kryesore të njësisë administrative, ndërsa protesta u mbështet nga deputetja demokrate Andia Ulliri.

Shkolla e mesme e bashkuar “Ramazan Karaj” në Nikël u dëmtua nga tërmeti i 26 nëntorit 2019 dhe në 2021 “EU4Schools” program i financuar nga Bashkimi Europian njoftoi se ka marrë përsipër rindërtimin e 8 shkollave në Krujë, mes tyre dhe ajo e Niklës. Por teksa në shkollat e tjera punimet avancuan në Nikël nuk u hodh as guri i themelit. Projekti i mbetur pezull i kaloi më vonë Komisionit të Rindërtimit në varësi të Ministrisë së Infrastrukturës. Banorët thanë se shpeshherë kanë marrë premtime nga drejtues lokal e qendrorë, por punimet ende s’kanë nisur 5 vite pas shembjes.

Prej afro 4 vitesh fëmijët e zonës së niklës frekuentojnë shkolla alternative dhe e zhvillojnë mësimin me turne.

Banorët kërkojnë nga Ministria e Infrastrukturës nisjen sa më parë të punës për rindërtimin e shkollës së mesme të bashkuar “Ramazan Karaj” e cila ka 455 nxënës nga arsimi parashkollor deri ne arsimin e mesem.

G.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A justifikohen aktet e dhunes gjatë një proteste politike?

Lajme të tjera



×

Lajmi i fundit

PISTAT/ Vrasja e shqiptarit Beni Arshiaj në Itali, nga kodi i Kanunit, tek misteri i kameras së manipuluar! Kishte dhe emër të dytë

PISTAT/ Vrasja e shqiptarit Beni Arshiaj në Itali, nga kodi i Kanunit, tek misteri i kameras së manipuluar! Kishte dhe emër të dytë

8 Tetor, 22:56