45-vjeçari humbet kontrollin e mjetit dhe bie në 20m lartësi në Pogradec, plagoset rëndë bashkë me pasagjeren

Një aksident me tre të plagosur ka ndodhur në afërsi të fshatit Vërçun në Pogradec.

45-vjeçari, Kastriot Guce, drejtues i mjetit ka humbur kontrollin e makinës dhe ka dalë nga rruga duke rënë nga 20 m lartësi në vendin e quajtur Pusi  i Ajdinit. Për pasojë janë dëmtuar pasagjerët, Xhaniana Hoxha, rreth 30 vjeçe dhe Mariglen Hoxha, 33 vjeç, banues në fshatin Çaushli, Maliq, si dhe vetë drejtuesi i mjetit.

Burime bëjnë me dije se drejtuesi dhe pasagjerja janë në gjendje të rëndë shëndetësore në spital.

'Më datë 07.10.2021, rreth orës 15:40, në afërsi të fshatit Vërçun, Pogradec, shtetasi K. G., rreth 45 vjeç, banues në fshatin Shqitas, Maliq, duke drejtuar mjetin tip "Ford", dyshohet se ka humbur kontrollin e mjetit dhe ka dalë nga rruga. Për pasojë janë dëmtuar pasagjerët, shtetasja Xh. H. rreth 30 vjeçe dhe shtetasi M. H., 33 vjeç, banues në fshatin Çaushli, Maliq, si edhe drejtuesi i mjetit shtetasi K. G., të cilët u transportuan në Spital dhe ndodhen nën kujdesin e mjekëve. Grupi hetimor po punon për sqarimin e rrethanave të ngjarjes.'- njofton policia.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sipas jush pas zhvillimit të dy Kuvendeve PD do të jetë?



×

Lajmi i fundit

John

E rëndë në Pogradec/ 46-vjeçarja del nga spitali, sapo shkon në shtëpi ndërron jetë