I preu rrugën furgonit dhe vdiqën 5 persona në Qafë-Muzinë, del fotoja e Rexhina Çelhakës dhe dy vajzave italiane para aksidentit, hipur mbi ‘Land Rover’

Rexhina Çelhaka, është 22-vjeçarja e cila drejtonte mjetin tip ‘Land Rover’ me të cilin i preu rrugën furgonit me pasagjerë që vinte nga Tirana e po shkonte drejt Sarandës. Ndërkohë është publikuar edhe një foto pak para aksidentit, ku kanë pozuar të tre vajzat e reja që ndodheshin në ‘Land Rover’.

Siç shihet nga fotot, 22 vjeçarja shqiptare Rexhina Çelhaka dhe dy vajzat nga Italia, Ana Koskovila, 23 vjeçe dhe Giulia Parimi, 22 vjeçe, kanë pozuar me makinën ‘Land Rover’ dhe e kanë postuar në rrjetet sociale. Fotoja është publikuar në rrjetet sociale nga 23-vjeçarja italiane, Anna Cascavilla 22 orë para se të ndodhte aksidenti tragjik.

3 vajzat duke pozuar mbi Land Rover

22 vjeçarja që drejtonte fuoristradën po merr mjekim në spitalin rajonal të Gjirokastrës. Edhe dy pasagjerët, me shtetësi të huaj, të cilët ndodheshin në ‘Land Rover’, janë në gjendje të mirë shëndetësore. Përplasja mes foristradës dhe furgonit të linjës Tiranë-Sarandë, bëri që ky i fundit të përfundonte në greminë, e për pasojë ndërruan jetën 5 persona, 2 gra dhe 3 burra, që udhëtonin në furgon. Viktimat janë shoferi i furgonit Bardhyl Proda, bashkëshortët Fiqiri dhe Drita Korçari, 77 dhe 72 vjeçe, banues në Tiranë, Tetiana Fediaieva, 48 vjeçe dhe Olesander Fediaieva, 53 vjeç, të dy banues në Ukrainë.

Rexhina Çelhaka, shoferja e 'Land Roverit'

Lajmi kryesor:

Aksident tragjik në Qafë-Muzinë/ 22-vjeçarja me ‘Land Rover’ i pret rrugën, furgoni përfundon në greminë, vdesin 4 pasagjerë dhe shoferi! 4 të plagosur (VIDEO)

M.Q.//Shqiptarja.com

TAG:
• Gjirokaster
• sarande
• rexhina çelhaka
• aksidenti me 5 vdekur ne qafe muzine