POP 5

Lajmet më të lexuara të 5 minutave të fundit

Ekonomi

5 vite nga tërmeti vendi ende në rindërtim! Janë dorëzuar 11,663 banesa e apartamente, kostoja në buxhet arrin 920 mln euro

Edhe pse sot bëhen 5 vite nga tërmeti i 26 nëntorit 2019, rindërtimi i vendit ende vijon. Janë më shumë se 11 mijë familje që kanë marrë çelësat e banesave të reja, ndërkohë që me dhjetëra familje të tjera presin ‘strehim’ në shtëpinë e premtuar në lagjet e reja të rindërtimit në Vorë dhe Tiranë.

Edhe pse sot bëhen 5 vite nga tërmeti i 26 nëntorit 2019, rindërtimi i vendit ende vijon. Janë më shumë se 11 mijë familje që kanë marrë çelësat e banesave të reja, ndërkohë që me dhjetëra familje të tjera presin ‘strehim’ në shtëpinë e premtuar në lagjet e reja të rindërtimit në Vorë dhe Tiranë, puna për të cilat ende vijon. Por rindërtimi vijon edhe në bashkitë e tjera, në strukturat arsimore, shëndetësore apo edhe pallate të tjera.

Që nga fillimi i procesit të rindërtimit në vitin 2020, e deri më tani janë dorëzuar 5524 banesa individuale dhe 6139 apartamente të reja sipas të dhënave të Ministrisë së Infrastrukturës, e cila ka marrë përsipër edhe procesin e rindërtimit pas shkrirjes së ministrisë dedikuar këtij programi.

Rindërtimi i vendit i ka kushtuar buxhetit të shtetit deri më tani mbi 920 milionë euro, ndërkohë që kostoja do të rritet deri në fund të vitit 2026-të kur është planifikuar të përmbyllet ky proces. Për 2 vitet e ardhshme 2025-2026 janë planifikuar të shpenzohen 100 milionë euro për këtë rindërtimin.

Shifrat e institucioneve zyrtare tregojnë se rindërtimi i banesave është financuar kryesisht nga buxheti i shtetit, ndërsa nga fondet 1.15 miliardë euro të konferencës së donatorëve të mbajtur në Bruksel janë marrë vetëm projektet e BE-së të përqendruara më së shumti nëpër objektet arsimore dhe kulturore, dhe pjesën e banesave ta mbulojë me fonde të buxhetit, pa përfshirë 524 apartamente të financuara nga Turqia dhe pjesën e apartamenteve të ndërtuara nga Emiratet Arabe.

Dëmet e shkaktuara nga tërmeti kërkonin investime në vlerën 1 miliardë e 80 milionë euro ku mbi 800 milionë euro ishin vetëm dëmet për strehim.

FATURA E RINDËRTIMIT
Shpenzuar            920 mln euro
Pa shpenzuar        280 mln euro
Kostoja totale       1.2 mld euro

S.B/E.Gj/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • nona: 01/12/2024 07:59

    shkoni dhe shikoni ndertimet ne thumane mor shkerdhata,,,i hyn muti ne shtepi asaj zonjes,,,ne pallatet qe ndertuat ju,,shpejt e shpejt,,,i keni bere punet sic keni dhe turinjte tuaj...caktuat dhe nje super-shkerdhate dhe duper hajfut ,,ahmetajn...per termetin...ju rente termeti ne dhtepite e juaja dhe ju fshifte me kuc e me mac..

    Përgjigju
  • Emigrante: 26/11/2024 17:39

    Ndertuar po dhe ne kohe rekord, por spo na japin ato letra te shkreta

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Pse na dhembin këmbët? Si t’i kurojmë natyralisht dhe kur duhet të shqetësohemi

Pse na dhembin këmbët? Si t’i kurojmë natyralisht dhe kur duhet të shqetësohemi

27 Janar, 16:16