POP 5

Lajmet më të lexuara të 5 minutave të fundit

Sociale

50 vite në shërbim të bletëve! 77 vjeçari nga Vlora rrëfen: Ka rënë prodhimtaria, por shpirti më gjen qetësi tek bletët

Brahim Tahiraj, 77-vjeçari nga Amonica e Vlorës prej më shumë se 50 vitesh ia ka kushtuar jetën mbarështimit të bletëve. Teksa sot numëron rreth 150 koshere, ai thotë se fitimi nuk është shumë i madh krahasuar me vite më parë, e pavarësisht kësaj nuk heq dorë prej tyre pasi në këtë punë gjen qetësi. 

Prej më shumë se 50 vitesh, mëngjesi nis njësoj për 77 vjeçarin vlonjat Brahim Tahiraj.

77-vjeçari Brahim Tahiraj nuk i reziston asnjë ditë zakonit që të jetë mes gumëzhimës së bletëve për t’i shërbyer.

“Unë vij pothuajse çdo mëngjes, ngaqë nuk rri dot në shtëpi. E kam qejf këtë punë, edhe vij kam apo skam punë unë do shikoj diçka do ketë nevojë ndonjë bletë për shërbim, qoftë për pastrim apo diçka tjetër”.

Mbarështimi i bletëve për Brahimin ka qenë një mundësi dhe burim i domosdoshëm për të rritur fëmijët, por sot edhe pse ata janë rritur e larguar nga vendlindja, pasioni i tij vazhdon i njëjti si prej dekadash me të njëjtin përkushtim e dashuri, për të ruajtur traditën.

I moshuari nga Amonica e Vlorës sot nuk është shumë i kënaqur nga prodhimi që merr nga bletët, pasi sipas tij kullota ka ndryshuar dhe sasia e mjaltit është shumë pak krahasuar me atë të viteve më parë.

“Më përpara i kishim primitive me ndryshimin e kohës i kthyem pastaj në modern. Me atë sistem kishim 30-40 koshere i mbanim te avllia te shtëpia, pastaj i shtuam 150. Nuk japin ndonjë mjaltë kush e di, tani sa për fëmijët e për të shitur tek ndonjë mik sa për të heq këto shpenzimet. Më herët bleta vilej 3-4 herë në vit, tani mezi e vjel 1 herë sepse nuk ka kullotë”.

Pavarësisht moshës për 77 vjeçarin kjo punë e përditshme nuk e lodh.

“Sot po u bëj kurën ndaj këtyre sëmundjeve të kohës, siç është paraliza. Është herë e tretë, që duhet tua bëj për 7 ditë. Nuk të lodh, më shumë të mërzit kur stë jep prodhim. Nuk të mundon, se më mirë këtu se më çlodh sesa të rrija në shtëpi”.

“Bletaria është mirë ti shtegtosh, mirëpo ngaqë ne nuk kemi mundësi se jam vetëm unë me bashkëshorten se fëmijët janë larguar”.

Brahimi ndihet i kënaqur nga subvencionimi i shtetit, ndërsa shëprblimin për të gjithë punën e merr nga fjalët e mira të klientëve

“10 mijë lek subvencion nga shteti na ndihmon ajo pagesë, qoftë për këto ilaçet. Tani që s’na japin as prodhim, na ndihmon shumë kjo”.

“15 deri në 20 mijë lekë kg. unë kam shumë kërkesa e nuk dal dot nga shtëpia sepse e njohën mjalitin e morën për fëmijët në kurbet. Ai të jep lekët, mjalti duhet mjaltë, sepse dikush e do për hall e dikush për qef”.

G.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ame rika 5445: 23/09/2024 04:47

    Bleta eshte industri Ushqimore dhe ka nje Teknollogji te Vecante e te veshtire !

    Përgjigju
  • poli: 23/09/2024 04:26

    BIE PRODHIMTARIA ,,,SEPSE KENI PRERE PEMET....MBILLNI PEME,, ,,DHE LULE...

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46