POP 5

Lajmet më të lexuara të 5 minutave të fundit

Shëndeti

Vlorë, rriten rastet me covid e viroza stinore

Një dyfishim i numrit të pacientëve krahasuar me të njëjtën periudhë të një viti më parë është shënuar në Urgjencën e Spitalit të Vlorës. Shefi i epidemiologjisë në Vlorë thotë se janë shtuar virozat stinore por edhe numri i rasteve me COVID

Deri në 500 në javë arrin numri i pacientëve që paraqiten në Urgjencën e Spitalit Rajonal të Vlorës për shkak të virozave stinore, gati dyfish i rasteve krahasuar me të njëjtën periudhë të një viti më parë, kur janë regjistruar 270 raste në jave.

Shefi i epidemiologjisë Agron Bashllari thotë se grupet më të prekura mbeten të sëmurët kronikë, moshat e treta dhe ato pediatrike.

‘Kemi një rritje të virozave si gastrointestinale dhe respiratore. Kjo ka ardhur si pasojë e rritjes së popullatës gjatë kryesisht gjatë muajit gusht por ka vazhduar edhe gjatë shtatorit. Pra krahasuar me vitin e kaluar, numri i personave që janë paraqitur pranë qendrave shëndetësore dhe spitalit për kujdes shëndetësor me infeksione respiratore ka arritur në 450 deri në 500 persona në javë krahasuar me 270 persona të shtatorit të vitit të kaluar. Brenda 10 ditësh do fillojmë dhe vaksinimin e popullatës me vaksinën antingrip.’- tha Shefi i epidemiologjise Agron Bashllari.

Shqetësim sipas Bashllarit mbetet edhe situata e COVID, me rritje të ndjeshme të rasteve në gusht dhe shtator.

‘Kemi rritje të rasteve me Covid, pasi nga testimet që realizojmë çdo ditë në qendrat shëndetësore dhe Laboratorin e Drejtorisë së Shëndetit Publik  konstatojmë që kemi një rritje të rasteve me Covid që gjatë muajit gusht. Në gusht nga 520 testime mesatarisht kanë rezultuar 180 persona pozitiv, ndërsa gjatë muajit shtator janë realizuar rreth 870 testime ku 385 persona kanë rezultuar pozitiv.’- tha Shefi i epidemiologjise Agron Bashllari.

Mjeku Bashllari këshillon të gjithë qytetarët për kujdes dhe të respektojnë protokollet shëndetësore pasi muajt në vijim pritet të arrihet dhe piku i numrit të infektimeve nga virozat.

M.Q./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Yyyp covidi: 04/10/2023 18:10

    Ndryshoi stili tani ee i thon vaksin antigrip, si e si te helmoni njerezit me vaksinat e covidit. Po ne qe kemi nje jet te ter qe e kemi kaluar gripin me nje koker paracetamol dhe me nje te ferkuar nga na doli vaksinimi i popullates me antigrip

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29