Shifrat zyrtare nga Fondi i Sigurimit për vitin 2023 tregojnë për 5310 pacientë të cilët trajtohen me rimbursim me ilaçin MADOPAR, medikamentin bazë për sëmundjen e Parkinsonit.
Pas denoncimeve të shumta, Report TV bëri një vëzhgim disa ditë më parë ku konstatoi mungesë të ilaçit në rrjetin farmaceutik në vend. Gjatë një komunikimi jozyrtar me përfaqësues të Fondit të Sigurimit të Detyrueshëm të Kujdesit Shëndetësor, institucionit përgjegjës për ilaçet e rimbursueshme, Report TV iu tha se MADOPAR ishte mungesë tregu jo vetëm në Shqipëri, por edhe në Rajon e më gjerë, për shkak të kompanisë prodhuese zvicerane Roche, megjithatë nga institucioni na siguruan se shumë shpejt tregu do të mbulohet dhe ky medikament do jetë i gatshëm për përdorim nga pacientët.
Report TV dërgoi një shkresë zyrtare pranë FSDKSH, më datë 13 mars, për të marrë informacion dhe 12 ditë më vonë, më 25 mars, në përgjigjen zyrtare Fondi garanton se: Lidhur me kërkesën për informacion për barin Madopar, ju bëjmë me dije se ky bar gjendet tashmë në të gjithë rrjetin farmaceutik të vendit.
Një ditë më pas, 26 mars, Report TV bëri një tjetër vëzhgim në terren ku konstatoi se medikamenti vijon të jetë mungesë nëpër farmaci në zona të ndryshme të Tiranës.
Gazetari: Ky ilaçi madopar për të sëmurët me parkinson...?
Farmacistja 1: S’ka ardhur akoma!
Gazetari: Madopar-i ka ardhur apo akoma?
Farmacistja 2: Jo, jo.
Farmacistja 3: Nuk ka akoma, nuk ka ardhur!
Farmacistja 4: Jo, pyeta, sepse ma kërkuan përsëri, sot në mëngjes pyeta depot dhe nuk ka në gjendje fare, vetëm jashtë-shtetit.
Report TV kontaktoi me dy depo farmaceutike në kryeqytet, lidhur me medikamentin MADOPAR.
Gazetari: A ka ardhur Madopari për të sëmurët me parkinson?
Depo farmaceutike 1: Jo nuk ka ardhur!
Depo farmaceutike 2: Jo vazhdon mungesë!
Pra, edhe pse shqetësimi është ngritur prej javësh tashmë, ndërkohë që ilaçi raportohet se mungon prej muajsh, mijëra të sëmurët që vuajnë nga parkinsoni vijojnë peripecitë në pritje të medikamentit që u lehtëson atyre lëvizjen e gjymtyrëve apo dhe krizat e frikës.
Lajme të tjera
-
Dy muaj e gjysmë jashtë funksionit, pamjet nga dëmi i shkaktuar nga zjarri në Urgjencën e QSUT-së! Vijon puna për rikthimin në normalitet
23 Prill, 09:13 -
Bonusi i bebes, nga viti 2019 përfituan mbi 210 mijë fëmijë
23 Prill, 08:18 -
QSUT 4 muaj pa shintigrafi, mungon sërish jodi për funksionimin! Një muaj pas denoncimit të Report Tv MSH s’e siguron! Dhjetëra pacientë te privati
22 Prill, 13:32
-
Programi për kujdesin e shikimit, mbi 55 mijë fëmijë kryen kontrolle
22 Prill, 12:50 -
Zjarri në urgjencën e QSUT, 30 milionë lekë rehabilitimi! Ministrja Koçiu në Komisionin e Shëndetësisë: Brenda majit kthehet funksioni
15 Prill, 11:24 -
Dita Ndërkombëtare e Romëve, Koçiu: Fuqizim i dijeve dixhitale për punësimin e të rinjve të komunitetit rom dhe egjiptian
8 Prill, 15:41 -
ISHP kryen për herë të parë analiza të thella gjenetike për viruset respiratore
29 Mars, 22:38 -
Nga modeli i kullave, shtimi i dhomave teke në pediatri deri te pavionet për pacientët obezë hyjnë në fuqi normat e reja për projektimin e spitaleve private dhe publike
21 Mars, 11:53 -
Vëzhgimi i Report Tv në farmaci: Ilaçi për të sëmurët me Parkinson mungon prej muajsh! Pacientët: Po kalojmë peripeci! Fondi i Sigurimit: Vjen së shpejti
15 Mars, 15:30
-
Ilaçi për kollën ‘Bisolvon’ shitet trefish më shtrejntë! Sqarimi i Agjencisë së Barnave: Çmimi është rritur, diferenca mes farmacive prej stokut
11 Mars, 12:54 -
PD: Qendra Shëndetësore Fushë-Krujë pa kushte, rrezikohet shëndeti i pacientëve
4 Mars, 14:47 -
Ministrja Koçiu: Nga ky vit, specializimet për mjekë familje dhe urgjence pa testim! Vlerësimi në bazë të mesatares
1 Mars, 14:55
