Nxënësja Prishila Elezaj ka realizuar me sukses “Sallatë me Avokado” dhe “Peshk në zgarë” në emisionin Rreze Dielli.

Kështu ajo ka përfunduar garën e gatimit, ku nga e hëna deri të enjten ka ndjekur këshillat e zonjës Tefta në përgatitjen e recetave të ndryshme.

Prishila duhej të tregohej e vëmendshme jo vetëm në mënyrën e përgatitjes së gatimeve, por dhe në memorizimin e përbërësve.



Pavarësisht emocionit në fillim të provës, Prishila ka arritur të përfundojë brenda afatit kohor të përcaktuar, recetat e përzgjedhura për ditën e sotme.

Ndërkohë që ka shpjeguar mënyrën e përgatitjes së pjatave, nxënësja e shkollës së mesme të Hoteleri-Turizmit ka fantazuar për të realizuar dy pjata të shijshme për shikuesit e kësaj rubrike të përditshme.



Prishila ka arritur të pikasë elementin kurth në shportën e ushqimeve, të cilin nuk duhej ta zgjidhte pasi e penalizonte me 20 pikë.

Më pas ka qenë juria e përbërë nga mësuesja Desi, shefi i kuzhinës Fredi dhe Zonja Tefta ata që kanë vlerësuar me pikë punën e nxënëses Elezaj.



Ata janë mbështetur në kriteret e përcaktuara më parë për ti dhënë pikët që ka merituar Prishilës.

Vlerësimi nuk është bazuar vetëm në pamjen përfundimtare të pjatave, por dhe në mënyrën dhe kujdesin e treguar gjatë përgatitjes së tyre.

Prishila ka arritur të grumbullojë 55 pikë nga 66 të mundshmet.



Në fund të programit ajo u pajis me një certifikatë dhe një dhuratë me pajisje eletroshtëpiake.

Ky konkurs do të sjellë çdo javë një konkurrent të ri, deri në finalen e madhe, e cila do të zhvillohet në muajin qershor.

Do të jetë nxënësi që ka grumbulluar më shumë pikë fituesi i garës së gatimit në Televizionin A1 Report.



Receta e parë, “Peshk në zgarë”

Përbërësit:

Qepë 1
Vaj 1 lugë gjelle
Verë 5 Dcl
Ajkë qumështi 1 kuti
Lëng limoni 1 lugë gjelle
Gjalp 100 gr
Miell Misri



Receta e dytë, Sallatë me avokado

Përbërësit:

Avokado 2
Qepë e njomë 1 tufë
Qepë e thatë 1 kokërr
Spec i kuq 1
Spec Turshi 1
Domate 2
Kripë Piper
Limon 1

Redaksia online
(b.t/shqiptarja.com)

4/6