POP 5

Lajmet më të lexuara të 5 minutave të fundit

Bota

60 vjet komunizëm, Raul Castro paralajmëron kubanët: Bëhuni gati, SHBA po rikthen luftën

Ish- presidenti kuban Raul Castro, vëllai i ish- liderit komunist Fidel Castro gjatë ceremonisë së 60 vjetorit të Partisë Komuniste kubane ka akuzuar SHBA-të se janë duke rikthyer politikën e vjetër të konfrontimit, duke paralajmëruar kubanët të mos përjashtojnë as skenarin e një lufte në të ardhmen mes dy vendeve.

60 vjet komunizëm, Raul Castro paralajmëron kubanët: Bëhuni gati, SHBA po rikthen luftën

Raul Castro dhe presidenti kuban Miguel Diaz-Canel

KUBË-  Ish- presidenti i Kubës, Raul Castro ka akuzuar SHBA-të se po rikthejnë politikën e vjetër të konfrontimit mes dy vendeve.

Raul Castro, vëllai i Fidel ka folur gjatë 60 vjetorit të themelimit të Partisë Komuniste në Kubë, pranë varrit të vëllait të tij Fidel Castro, cili ndërroi jetë më 2016. Vëllezërit Castro kanë udhëhequr Kubën nga viti 1959 deri një vit më parë, kur Raul Castro i dorëzoi presidencën Miguel Diaz-Canel.

Castro i ka paralajmëruar kubanët të përgatiten për çdo skenar të mundshëm për të mbrojtur pavarësinë sepse revolucioni ‘nuk ka moshë’.

"Edhe një herë, qeveria amerikane është jetë në rrugë për t'u konfrontuar me Kubën dhe për të paraqitur vendin tonë paqësor dhe gjithëpërfshirës si një kërcënim për rajonin", tha Castro, i veshur me uniformën e tij ushtarake, në një ceremoni të mbajtur pranë varrit të Fidelit.

"Edhe një herë, ata duan ta bëjnë Kubën fajtore për të gjitha të këqijat e rajonit. Unë përsëris vullnetin tonë për të bashkëjetuar në një mënyrë të civilizuar pavarësisht dallimeve tona, në një marrëdhënie paqeje, respektimi dhe përfitim reciprok me Shtetet e Bashkuara "  

Gjithashtu Castro ka akuzuar ekstremin e djathtë kuban me seli në Florida duke thënë:

‘’Ata kanë konfiskuar diplomacinë e SHBA-ve kundrejt Kubës’’

Kuba dhe SHBA-të njihen për marrëdhëniet e tyre të tensionuara dhe të ftohta fill pas ndërprerjes së tyre nga ish- lideri komunist Fidel Castro në vitin 1960, i cili qeverisi Kubën për 46 vite.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ndryshe nga biznesi i vogël profesionet e lira do të tatohen, si ju duket?

Lajme të tjera



×

Lajmi i fundit

Mali i Zi, tuneli 30 metra në Gjykatën e Lartë dyshohet se u hap nga 4 shtetas serbë

Mali i Zi, tuneli 30 metra në Gjykatën e Lartë dyshohet se u hap nga 4 shtetas serbë

22 Shtator, 17:29