'600 dollarë kam, t'i sajoj lekët që mos marr kredi se Samsungu te 800-900 bën', biseda mes avokateve: T'ja japim përpara Rovena Vodës, se mos thotë do 'hedhë lumin kjo, të dh.... kalin'

1626349580_Screenshot2.jpg

Vijojnë të zbardhen të tjera episode nga dosja hetimore e SPAK në lidhje me ish-zv.ministren e Brendshme Rovena Vodën. Në dosjen e SPAK, del një bisedë me avokates Florida Beu që i pagoi ryshfetin Vodës për t'u punësuar dhe Majlinda Hasanit, e cila ishte ndërmjetësja mes ish-zv.ministres dhe Beut.

Në bisedë, Beu shpreh shqetësimin se paratë dhe dhurata i duhen dhënë Vodës "përpara se të mbarojë punën, se mos thotë 'do hedhë lumin kjo, të dh.... kalin'".

Po ashtu, ajo shprehet se i ka 600 dollarë, që do t'i kthejë në lekë, për të blerë telefonin e markës Samsung që do ja jepte Vodës, por shton se duhet të sigurojë edhe disa para të tjera që të mos marrë kredi, pasi aparati celular kushton rreth 800 apo 900 mijë lekë.

Përgjimet:

Florida: Hej po sikur ti sajojmë ato lekët nëse unë kam këtu gjashtëqind dollarë, këtu thyjmë i bëjmë lek shqiptare.

Majlinda: Ehe

Florida: Shikojmë njëherë sa bën ai samsung që tha kjo se aq janë ato te tetëqind, nëntëqind, pse ta mar me kredi unë, se kismet në fund jave Gerti ishalla më sjell nai një mishe her vete unë që t’ja jap këtij.

Majlinda: Prit njëherë.

Florida: T’ia heq se ato për t’u dhonë janë, të rri e qetë pastaj.

Majlinda: Goce prit njëherë ato do të jepen kur të fillosh punë të kalosh provimin dhe dakort e teprohesh.

Florida: Puna është t’ja japësh para se të mbaroj puna ajo se pastaj thotë do hedhi lumin kjo të … kalin.


Lajmi kryesor:

'E do Samsung, jo Iphone', përgjimet e dosjes së SPAK, zbardhen bisedat mes avokateve: Zarfin futja në çantë se ka kamera gjithandej, mos thotë Rovena që u këputën në by... ata


J.SH./Shqiptarja.com
  • Sondazhi i ditës:

    A jeni dakord me propozimin për dozë të tretë vaksine për personat mbi 60 vjeç?



×

Lajmi i fundit

John

Dy liderat botëror Boris Johnson dhe Joe Biden takohen në Shtëpinë e Bardhë