TIRANE - 600 maturantë të cilët kanë qenë të pakënaqur nga nota e provimi të  Gjuhës Shqipe dhe Letësisë, kanë kërkuar fotokopje të testit. Kjo pasi ata kanë qenë të pakënaquar me notën që janë vlerësuar.

“Numri i maturantëve që kanë kërkuar të marrin fotokopjen e testit të provimit të Gjuhës Shqipe dhe të Letërsisë, ka qenë 600 maturantë” shprehet Alfons Harizaj,drejtori i Agjencisë Kombëtare të Provimit.

Të rinjtë që kanë pasur ankesa për notën e provimt kanë të drejtë të marrin një fotokopje të testit kundrejt një pagese prej 400 lekësh të reja. Ata kanë të drejtë vetë të shikojnë testin si është korrigjuar , por nuk mund të bëhet një rivlerësim i tij.

Ndërsa për ankesat që maturantët kanë për provimin e matematikës, janë ende në kohë për t’i bërë ato deri në datën 5 korrik, pranë drejtorive të shkollave ku ata kanë studiuar.

Çdo vlerësues kur korrigjon testin i referohet variantit të zgjidhur që ka publikuar Ministria e Arsimit. Në këtë mënyrë kërkesa për të parë fotokopjen e testit, dhe pagesa prej 400 lekësh të rinj, nuk do të shoqërohet me ndryshim rezultati, por vetëm sa do të qetësojë maturantët.

Shkrimi u botua sot në gazetën Shqiptarja.com (print) 03.07.2013
 
Redaksia Online
(b.m/shqiptarja.com)