678 gjoba në 24 orë për mosmbajtjen e maskës! Shoqërohen 10 të rinj, nuk treguan mjetin e identifikimit

678 gjoba janë vendosur vetëm në 24 orë në të gjithë vendin për mosrespektimin e mbajtjes së maskës edhe në ambientet e jashtme. Policia e Shtetit vijon kontrollet çdo ditë për respektimin e saj, ku nga ora 17:00 të datës 16.10.2020 deri në orën 17:00 të datës 17.10.2020, janë vendosur  678 gjoba me vlerën 3.000 lekë secila.

Gjithashtu janë shoqëruar në komisariat 10 të rinj, të cilët kanë refuzuar të tregojnë mjetin e identifikimit. Pas shoqërimit ata kanë treguar ID e tyre dhe kanë marrë gjobën prej 3000 lekësh secili.

Policia e Shtetit ka rritur prezencën e shërbimeve të Policisë me uniformë dhe të punonjësve të Policisë Kriminale në territor, të cilët vijojnë patrullimet dhe kontrollet në të gjithë vendin, për parandalimin dhe goditjen e paligjshmërisë, si dhe monitorimin e masave anticovid, të cilat parandalojnë përhapjen e këtij virusi.

I.K./r.k./Shqiptarja.com
  • Sondazhi i ditës:

    Covid-19, a e përballojmë dot një mbyllje të dytë?

Komento


×

Lajmi i fundit

John

'Tërmet, tërmet'...shikoni sa të forta kanë qenë lëkundjet në Turqi (VIDEO)