7 deputetë të lëkundur rrëfejnë
votën e tyre për “Drejtësinë”

Pas dështimit të takimit Rama-Basha për të dalë me një marrëveshje për reformën në drejtësi, dhe sfidës së kryeministrit për ta dërguar draftin e dakordësuar me SHBA e BE për votim, interesante bëhet bota e numrave. Mazhoranca ka 85 vota, por edhe brenda vetes ka mandate të cilët për arsye të ndryshme, nuk mund të konsiderohen me siguri kartonë jeshilë.

Teksa domosdoshmëria e votave të opozitës është e qartë për të arritur minimumin e 94 votave që duhen për kalimin e reformës, situata në kampin blu nuk duket dhe aq e qetë. Zëra kritikë kundër Bashës, apo deputetë të ardhur nga aleancat mund të përbëjnë surpriza sa i takon verdiktit për drejtësinë. Shqiptarja.com ka pyetur disa prej këtyre deputetëve, edhe në kampin opozitar, edhe në atë mazhoritar, nëse do të votonin një draft të sjellë nga mazhoranca por që nuk është i dakordësuar nga opozita.