Punonjësit shprehen se u është dhënë njoftimi për largimin nga puna, por dëshirojnë të marrin një sqarim për këtë cështje. Punonjesit protestojnë kundër vendimit për pushim dhe kërkojnë një zgjidhje nga bashkia.
Vendimi i reduktimit të personelit nga 87 persona në 17, erdhi pasi u vendos që ndërmarrja e Shërbimit Funeral të kalojë nën ndërmarrjen e Gjelbërimit.
Punonjësit shprehen se në bazën e vendimit të Këshillit Bashkiak, ata duhet t'i bashkëngjiteshin Ndërmarrjes numër 1 të Gjelbërimit. Por nënkryetari i Bashkisë u shpreh se nuk do të procedohet në këtë mënyrë duke qenë se punën e tyre do ta bëjnë punonjësit e Ndërmarrjes së Gjelbërimit.
"Bashkia nuk mund te paguaje dy persona për të njëjtën punë. Funksionet që kryheshin deri tani janë transferuar dhe janë pjesë e funksioneve të Ndërmarrjes numër 1 të kryeqytetit. Për rrjedhojë kemi edhe këto ndryshime të strukturës së personelit, të cilat janë plotësisht të justifikuara sepse shkurtojnë shpenzime të pajustifikuara që shkojnë për paga, që nuk i përgjigjen funksioneve specifike të punës që duhet kryer", tha Panariti. ah/Shqiptarja/
![](https://www.shqiptarja.com/template/img/sh_logo1.png)