POP 5

Lajmet më të lexuara të 5 minutave të fundit

Media

70-vjeçari inskenoi vdekjen, mediat
spanjolle citojnë 'Shqiptarja.com'

Lajmi në “Shqiptarja.com” se një 70-vjeçar shqiptar shpalli vdekjen, që të afërmit e tij të kujtoheshin për të, ka tërhequr vëmendjen e një medie spanjolle.
Lajmi i publikuar në websitin spanjoll, ku citohet "Shqiptarja.com"
Fushë-Krujë, 70-vjeçari shpall vdekjen, që ta vizitojnë të afërmit
70-vjeçari inskenoi vdekjen, mediat<br />spanjolle citojnë 'Shqiptarja.com'
SPANJË - Lajmi në “Shqiptarja.com” se një 70-vjeçar shqiptar shpalli vdekjen, që të afërmit e tij të kujtoheshin për të, ka tërhequr vëmendjen e një medie spanjolle.
 
Agjencia spanjolle e lajmeve EFE, të cilës i referohet gjithashtu edhe televizioni spanjoll ABC, duke cituar gazetën shqiptare "Shqiptarja.com", kanë rrëfyer historinë e të moshuarit të vetmuar shqiptar, Hajdar Lila nga Fushë-Kruja (një qytet i vogël pranë Tiranës - thekson media spanjolle), i cili në ditën e ditëlindjes vendos një njoftim vdekjeje me foton dhe të dhënat personale.

"Që 4 vjet e gjysmë më parë, kur u ktheva nga Kanadaja, as bijtë e mi, as vëllezërit e mi, as kushërinjtë e mi kanë ardhur për një kafe në shtëpinë time", u ankua ai në shkrimin e botuar në të përditshmen “Shqiptarja.com”, theksohet në shkrimin e medias spanjolle.
 
I moshuari kishte kaluar shumë vite të jetës në Greqi dhe në Kanada, dhe siç thotë, u dërgonte shpesh para familjes së tij.
 
Ai kujton me nostalgji ato vite kur familja dhe shokët ishin shumë të sjellshëm me të, por me sa duket vetëm për paratë dhe dhuratat që janë dërguar nga jashtë.

"Sa isha në Kanada unë i ndihmoja të gjithë me të holla. Unë kam qenë i etur për t'u kthyer në vendin tim dhe të jetoj me të dashurit e mi. Por tani unë jam këtu dhe nuk kam para. Askush nuk do t'ia dijë për mua", qahet i moshuari.

Edhe kjo përpjekje e mjerë e fundit për t'u ribashkuar me familjen e tij s'ishte një sukses i madh, pasi vetëm vajza e tij e madhe shkoi në shtëpinë e tij, natyrisht jo për të festuar ditëlindjen e tij, por për të marrë pjesë në funeralin e pretenduar.

Pas kësaj përvoje, ai ka lënë një mesazh të qartë për ditën e vdekjes së tij të vërtetë: Nuk do pranoj askënd në varreza. "Njerëzit duhet të respektohet sa janë gjallë: i vdekur është e kotë", i thotë plaku me zemërim gazetës", thuhet në shkrimin e medias spanjolle, e cila citon gazetën shqiptare "Shqiptarja.com".

webfaqja spanjolle
(Në Foto: Websiti i medias Spanjolle e cila ka citur Shqiptarja.com për këtë lajm)


Redaksia Online
(mag/a.ç/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04