POP 5

Lajmet më të lexuara të 5 minutave të fundit

78-vjetori i genocidit grek mbi shqiptarët e Çamërisë, vijnë edhe qytetarë nga Kosova për pelegrinazhin në varrezat e Kllogjerit

I kthyer tashmë në traditë, këtë të shtunë PDIU, Shoqata Patriotike “Çamëria” dhe Fondacioni Çamëria “Hasan Tahsini”, organizuan pelegrinazhin në Varrezat e Kllogjerit, bashkia Konispol, në kuadër të 78-vjetorit të genocidit grek mbi shqiptarët e Çamërisë.

I kthyer tashmë në traditë, këtë të shtunë PDIU, Shoqata Patriotike “Çamëria” dhe Fondacioni Çamëria “Hasan Tahsini”, organizuan pelegrinazhin në Varrezat e Kllogjerit, bashkia Konispol, në kuadër të 78-vjetorit të genocidit grek mbi shqiptarët e Çamërisë.

Shqiptarë të Çamërisë por edhe qytetarë të tjerë  të ardhur që nga Kosova ishin të pranishëm në Varrezat e Kllogjerit, në vendin ku humbën jetën më shumë se 2900 çamë, të cilët u larguan me dhunë nga trojet e tyre. Merrte pjesë kryetari i PDIU, dhe deputeti Shpëtim Idrizi, deputetja Mesila Doda, deputeti Nustret Avdullaj.

Në hyrje të varrezave monumentale është vendosur vitin e kaluar pllaka memoriale identifikuese ku shkruhet: Varrezat Monumentale “Trëndafilat e Çamërisë” Kllogjer. Këtu prehen 2900 shqiptarë të Çamërisë, dëshmi e spastrimit etnik dhe genocidit më të madh në Ballkan. Në vitet 1944-1945 ata humbën jetën nga etja, uria dhe sëmundjet  pas masakrave që Napolon Zerva kreu në krahinën e Çamërisë. 

Varreza monumentale u ndërtua në  vitet 2012-2013 në një hapësirë  prej 12.000 m2 e cila për  68 vjet ishte e lënë e shkretë. Nga të pranishmit në ceremoni u vendosën lule e kurora me lule tek memoriali i varreve çame. Pas kurorës me lule tek Memoriali kryetari  i PDIU, Shpëtim Idrizi në fjalën e tij në Kllogjer, tek memoriali i varreve çame, u shpreh se, nuk harrohen kriminelët që kanë vrarë të parët tanë.

"Që të jesh në varrezat e Kllogjerit është pikërisht vendi për të kuptuar përmasat e tragjedisë mbi shqiptarët e Çamërisë."

Është pikërisht ky vend ku ne përjetojmë edhe njëherë tjetër  të gjithë atë tragjedi njerëzore që është ushtruar mbi ne shqiptarët e Çamërisë. Është vendi ku ne përjetojmë edhe njëherë tjetër atë testament të madh të vuajtjeve dhe të prerjes së jetëve njerëzore që janë pikërisht njerëzit dhe familjarët tanë , tha ndër të tjera në fjalën e tij Idrizi.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu