Mediat italiane një ditë pas kapjes së 8 ton kokaine ne Kolumbi që fshihej në plantacionet e bananeve, bëjnë me dije sot se edhe shqiptarët janë pjesë e rrjetit.

Sipas tyre tregu i lëndës narkotike ishte shteti fqinj Italia dhe transporti i drogës bëhej nga familjet mafioze shqiptare.  Sipas mediave, shqiptarët kanë lidhje të forta me trafikantët kolumbianë dhe ata drejtojnë qarkullimin më të madh të lëndës narkotike nga Kolumbia. Më pas futet në lojë “Ndrageta”.

Droga i përkiste grupit kriminal të njohur me emrin Klan Usuga. 1.5 ton nga kokaina ishin ndarë në pako dhe ishin bërë gati për t’u transportuar jashtë vendit.

Redaksia online
(s.m/shqiptarja.com)