​Basha: Rama të ftova në debat
përgjigju se kam 48 orë që pres

GJIROKASTER-Edhe sot kryetari i PD, Basha i bën thirrje Ramës për debat televiziv. I ndodhur në Gjirokastër ku çeli fushatën elektorale, kreu i PD kërkon një përgjigje nga kryeministri Rama.

“E ftoj në debat televiziv. Eja në debat para shqiptarëve. Përgjigju sepse kam 48 orë që të ftoj. Ta hapim për shqiptaret debatin dhe të rikthejmë demokracinë e vërtetë pa batuta pa barcaleta. Bëj bilancin e premtimeve pastaj ke të drejtë të premtosh prapë”. 

Më tej Basha u fokusua tek premtimet e Ramës, duke u shprehur se në vend të rritjes së pensioneve, kryeministri bëri fasada dhe ekspozita me piktura.
“Edi Rama e kishte mundësinë ti rriste pensionet dhe të jepte pensionin e 13, por vendosi të japë miliona për fasada. Paratë i bëri rrush e kumbulla. Kohën e kaloi me ekspozita dhe ndeshje futbolli. Eshte e qartë çfarë bëri me shansin për të drejtuar”.

Basha: Unë nuk do jem kryeministër i fasadave e batutave
Basha tha se nëse zgjidhet kryeministër, nuk do të jetë një figurë e fasadave, ekraneve apo batutave. Une do te jem kryeministri i halleve të shqiptareve te thjeshte, gjirokastriteve dhe gjithe shqiptareve. Do te shkrij gjithcka per nje prioritet, ekonomine”.

(d.b/Shqiptarja.com)