​Berisha: Gabim që Basha nuk 
hyri në Kuvend 4 vite më parë

Teksa ngjiste shkallët e Kuvendit, ish-kryeministri Sali Berisha u shpreh se Lulzim Basha do jetë zëri kryesor i opozitës në Kuvend. 

I pyetur nga gazetarët, Berisha tha se për këtë nuk ka asnjë diskutim që do jetë Basha ai i cili do udhëheqë deputetët demokratë në betejat parlamentare.

"Pa asnjė diskutim", shtoi Berisha.  

Ai tha gjithashtu se Lulzim Basha duhet të ishte zgjedhur deputet që në 2013-ën, kur mbante ende detyrën e kryebashkiakut të Tiranës. 

“Është një zhvillim shumë pozitiv që kryetari i PD-së është deputet.

Ka qenë një gabim në legjislaturën e kaluar, kur Basha nuk ishte në parlament”, ka thënë Berisha.

Lulzim Basha u rikthye në Kuvend pas 6 vitesh. Kjo mungesë ka bërë që kryetari demokrat të harrojë edhe rregulloren e Kuvendit. Kjo u pa qartë kur ai kërkoi fjalën gjatë seancës së sotme konstituese pasi u verifikuan mandatet e 140 deputetëve. 

Ky moment nuk kaloi pa u vënë re nga deputetët socialistë dhe i pari që komentoi ishte kryetari i ri i grupit parlamentar, Taulant Balla. Me ironi ai iu drejtua Berishës që t'i mësojë "deputetët e rinj". 

Redaksia Online
l.q/Shqiptarja.com