Kreu i grupit parlamentarë të LSI-së ka reaguar pas botimit në  gazetën holandezë “De Telegraf” të shkrimit për vizat, ku sipas së cilës diplomatja shqiptare në Holandë, mohoi ekzistencën e raportit nga Policia dhe Prokurori e Amsterdamit dhe Roterdamit për rikthimin e vizave për shqiptarët.

Nëpërmjet një postimi në facebook, ai e cilëson si një “dezinformin me një standard Koreano-Verior informimi”, deklaratën e ambasadores shqiptare.

Gjatë ditës së sotme, gazeta më e madhe holandeze ,“De Telegraaf”, ka botuar një shkrim për sa i përket intervistës së ambasadores shqiptare në Holandë, Adia Sakiqi, e cila e ka mohuar ekzistencën e një raporti nga Policia dhe Prokurori e Amsterdamit dhe Roterdamit për riktimin e vizave për shqiptarët.

Shkak i hartimit të këtij raporti ishte rritja e madhe e kriminalitetit, ku një rol të madh kishin luajtur kriminelët shqiptarë, të cilët e përdornin Holandën si një pikë kyçe në rrugët e trafikut të drogës.

Postimi i plotë i Vasilit:
Diplomacia koreano-veriore e kryeministrit.
Gazeta holandeze 'De Telegraaf" kthjellon gjithçka dhe situata lidhur me vizat është serioze.
Ndërsa ambasadorja shqiptare në Holandë demostroi "kurajo" për të dezinformuar dhe një standard koreano-verior informimi, që të tillë nuk e kanë patur as ambasadorët në kohën e Partisë së Punës.
Kjo diplomaci koreano-veriore i duhet shkollëpaktit, kryeministrit tonë. Në fund të fundit kaq kupton...Për të shqiptarët janë të fundit dhe ai punët (...) e tij i ka fjollë.

vasili fb
   (Postimi i Vasilit në facebook)

Redaksia Online
J.Sh Shqiptarja.com