​Deklarata e Daçiç, Majko reagon
me një anekdotë për mishin e derrit

Deputeti socialist Pandeli Majko ka reaguar pas deklaratës së ministrit të jashtëm serb në lidhje me diasporën shqiptare. Ivica Daçiç ka deklaruar më herët se ka informacion se shqiptarët do të rrethojnë përfaqësitë diplomatike të Serbisë në Evropë apo SHBA, duke i paralajmëruar që të mos luajnë me zjarrin.
 
Majko ka reaguar me sarkazëm, duke përmendur edhe një anekdotë për tregtarët e Beogradit gjatë luftës së parë botërore.
 
“Ministri i Jashtëm i Serbisë, Daçiç ka deklaruar se diaspora shqiptare planifikon të marrë nën kontroll një nga objektet e misioneve diplomatike apo konsullore të Serbisë. Ai ka paralajmëruar që politikanët shqiptarë “të mos luajnë me zjarrin”…
 
Dikur një Gjeneral i ushtrisë Austro - Hungareze për tregtarët e Beogradit të mishit të derrit thoshte se: “Përpiqen të të mbushin mendjen sikur derrin e kanë rritur në kuzhinë dhe jo në mes të baltës…”
Historisë nuk i ka munguar sensi i humorit kur tentoi të zëvendësojë Vjenën me Beogradin.
Diplomacia nuk është paturpësi. Serbia meriton më shumë”, shkruan Majko në Facebook.
d.i./Shqiptarja.com