​FOTO/ Trump dhe Melania vizitë
në zonat e përmbytura në Hjuston

Presidenti Trump dhe Zonja e Parë Melaina ka shkuar gjatë ditës sotme për të vizituar zonat e përmbytura të Teksasit, një ditë pasi i kërkoi Kongresit rreth 8 miliardë dollarë për përpjekjet e shpëtimit dhe të rimëkëmbjes.
 
Trump u takua me Guvernatorin e Teksasit dhe me Drejtorin e FEMA-s, kur arriti në Ellington Field, për t'u takuar me banorët dhe me vullnetarët, të cilët janë duke ndihmuar në përpjekjet e shpëtimit pas Uraganit Harvey në Hjuston.
 
Presidenti falenderoi punonjësit e ndihmave për punën e palodhur pas stuhisë.
 
Pas Hjustonit, Presidenti Trump shkon në Lake Charles të Louisianës, për të parë dëmet e shkaktuara edhe atje nga Uragani Harvey.
 
Gjatë vizitës ai u takuam me banorë dhe vullnetarë, gjë që nuk e bëri gjatë vizitës së tij në rajon të martën.
 
Kjo shkaktoi kritika ndaj tij, për mosshprehje të dhembshurisë, ndaj njerëzve ndjenja që zakonisht shprehen në situata krize.
 
Stuhia ka zhvendosur më shumë se 1 milion njerëz dhe ka marrë jetën e të paktën 39 të tjerëve.
 
Sipas Departamentit të Sigurisë Kombëtare, uragani shkatërroi rreth 100 mijë shtëpi.