Pas mbledhjes së kryesisë së vogël sot në selinë e PD-së, Ruli u shpreh shkurt për mediet se është “pro” debatit në PD, por ai duhet të jetë konstruktiv.
Sipas tij, jeta e një partie nuk është lojë gjëegjëzash.
"Jeta e një partie nuk është lojë gjëegjëzash, por e debatit konstruktiv", u shpreh sot Ruli.
Javën e kaluar Ruli braktisi mbledhjen e grupit parlamentar të PD-së, në shenjë pakënaqësie për mosndëshkimin e kryetarëve të degëve, për akuzat e tyre në adresë të ish-ministrave të qeverisë “Berisha”.
Nga ana tjetër, kryetari demokrat, Lulzim Basha deklaroi mbrëmë në një emision televiziv se debati në PD është meritë e lidershipit të tij. Ky qëndrim siç duket ka bërë që edhe Ruli të tërhiqet nga këmbëngulja e tij dhe të pranojë debatin në PD.
Redaksia Online
(f.s/shqiptarja.com)