​Idrizi, Nishanit:Kriza po thellohet
mblidh urgjent partitë në tryezë!

TIRANE-Kreu i PDIU-së Shpëtim Idrizi i bën thirrje presidentit Bujar Nishani të thërrasë në një tryezë të gjithë partitë politike për të gjetur një zgjidhje “për krizën e thellë me të cilën po përballemi përditë”.

Përmes një prononcimi për median nga kryesia e Kuvendit Idrizi e konsideroi urgjente thirrjen e tryezës nga ana e presidentit Nishani

“Le të nisim një tryezë të përbashkët nga ku të gjithë bashkë ne të dalim vetëm me një zgjidhje.
Atë zgjidhje që ne ia kemi detyrim qytetarëve. Partia për Drejtësi, Integrim dhe Unitet sugjeron urgjencën e thirrjes së tryezës politike nga ana juaj për të gjetur një zgjidhje të menjëhershme politike. Në mënyrë që nesër ju të mos jeni të detyruar të thërrisni tryezën e Këshillit të Sigurisë Kombëtare”.

(d.b/Shqiptarja.com)