POP 5

Lajmet më të lexuara të 5 minutave të fundit

Arkiva

​Itali, Operacioni anti-mafia vë në
pranga 116 anëtarë të Ndranghetas

Rreth 24 familje mafioze kalabreze, në jug të Italisë, ishin objektiv i operacioni që mundësoi gjetjen e strukturave të tjera të Ndranghetas, si disa lloj “gjykatash” të supozuara për zgjidhjen e konflikteve të brendshme mes klaneve.
ITALI- Rreth një mijë karabinierë morën pjesë në një operacion të gjerë kundër Ndranghetas, mafia më e fuqishme kalabreze, duke arrestuar 116 anëtarë mes të cilëve krerë të rëndësishëm të organizatës.

Pjesë e operacionit ishin edhe helikopterët e policisë, specialistët e kërkimit të bunkerëve që mendohet se shërbejnë për fshehjen e krerëve të mafias.

Akuzat kryesore që rëndojnë ndaj tyre janë, vrasje, grabitje, mashtrime dhe armëmbajtje pa leje.

Rreth 24 familje mafioze kalabreze, në jug të Italisë, ishin objektiv i operacioni që mundësoi gjetjen e strukturave të tjera të Ndranghetas, si disa lloj “gjykatash” të supozuara për zgjidhjen e konflikteve të brendshme mes klaneve.

“Ne kemi goditur krerët e familjeve më të rëndësishme, të gjithë drejtuesit”, deklaroi, Federico de Raho, prokuror i Reggio de Calabre, kryeqyteti i rajonit.

“Goditëm zemrën e Ndranghetas në nivel kombëtar dhe ndërkombëtar. Kjo zemër e Ndraghetas drejton një kompani të vërtetë”, theksoi gjenerali i karabinierëve, Giuseppe Governale.

Ndrangheta, mendohet se e ka tejkaluar mafian siçiliane dhe napolitane në sajë të trafikut të kokainës në Amerikën Latine.

Bazuar në një strukturë shumë familjare, ajo është e vendosur kryesisht në Kalabri, por arrestimet e fundit kanë treguar se ajo ka influencë në veri të gadishullit madje dhe në vende të tjera evropiane.

Në një prej regjistrimeve të bisedave telefonike, dëgjohet një nga bosat që deklaron,“Shteti këtu jam unë”.

“Këto përgjime tregojnë një presion të vazhdueshëm në kuadër të shantazhit kundë disa bashkive dhe vendosjen e një lloj takse prej 10 për qind në tregjet publike”, shprehen hetuesit.

Redaksia Online
Er.K/Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55