​Konflikti SHBA- Korea e Veriut
Kina: Mos përkeqësoni situatën

Presidenti i Kinës Xi Jinping i ka kërkuar SHBA-së dhe Koresë së Veriut që të shmangin "fjalët dhe veprimet" që përkeqësojnë tensionet.

Trump dhe Koreja e Veriut kanë shkëmbyer retorikë armiqësore që kërcënon për një luftë të mundshme.

Por Kina, aleati i vetëm i madh i Koresë së Veriut, po kërkon kufizime.

Në një deklaratë Shtëpia e Bardhë tha se Shtetet e Bashkuara dhe Kina pajtohen  me idenë se Koreja e Veriut duhet të ndalojë "sjelljen provokative".

Tensionet e gjata mbi programin bërthamor të Koresë së Veriut u përkeqësuan kur ai testoi dy raketa balistike ndërkontinentale në korrik.

Regjimi u zemërua gjithashtu edhe nga vendimi i javës së kaluar të OKB-së për të rritur sanksionet ekonomike kundër saj.

Redaksia Online
J.Sh Shqiptarja.com