​Marrëveshja, Niko Peleshi:
Rama guximtar, i fituar e Basha

TIRANE-Posti i tij do të zëvëndësohet së shpejti, por Niko Peleshi, zv/kryeministri në largim falënderon Edi Ramën për guximin që ndërmori për të plotësuar kushtet e Bashës, ndërsa këtë të fundit e cilëson dhe triumfator.

Peleshi, i cili është një nga emrat që ‘sakrifikohet’ nga marrëveshja e arritur mes kryeministrit Edi Rama dhe liderit të PD-së, Lulzim Basha ka reaguar në faqen e tij të Facebook-ut. 
"​Dje u hoq vija e kuqe qe ndan interesat e partive nga interesi afatgjatë i vendit. Edi Rama tregoi pjekurinë e një lideri që është në politikë për të lënë shenjen e vet transformuese në historinë e Shqipërisë, e cila është më e rëndësishme se pushteti. Ndaj sot i fituar është edhe Lulezim Basha dhe Partia Demokratike", thekson Peleshi në reagimin e tij.

Madje Peleshi kujdeset ta cilësojë ditën e sotme pas firmosjes së marreveshjes si, një ditë të re.

NJE DITE E RE
Sot është një ditë e re për Shqipërinë.
Dje u kthye faqja e tranzicionit të stërgjatë dhe një faqe e re fillon të shkruhet nga sot në historinë e Shqipërisë.
Kriza u kapërcye me impenjimin e ndërkombëtareve, por marrëveshja politike për Shqipërinë e re u arrit me iniciativën dhe guximin e Edi Ramës.

Dje u hoq vija e kuqe qe ndan interesat e partive nga interesi afatgjatë i vendit.
Ndaj sot i fituar është edhe Lulezim Basha dhe Partia Demokratike.
Kjo marrëveshje krijoi parakushtet dhe modelin se si për ceshtje të mëdha politika duhet të jetë bashkë. Sepse ceshtjet tona të mëdha nuk janë idiologjike por logjike, nuk janë të partive tona , por të Shqipërisë. Drejtesia, integrimi, pronat, legalizimet, zhvillimi i territorit, decentralizimi, administrata publike, arsimi kane vuajtur nga mungesa e konsensusit politik dhe qasja elektorale.
Do të kemi më në fund zgjedhje te pakontestuara dhe të njohura në ditën e parë te numërimit.
Do të shkojme në fushatën zgjedhore jo për të garuar me akuza por me alternativa.
Do të premtojme më të mirën afatgjatë, jo më të lirën afatshkurter.
Edi Rama tregoi pjekurinë e një lideri që është në politikë për të lënë shenjen e vet transformuese në historinë e Shqipërisë, e cila është më e rëndësishme se pushteti.
Falenderim i përzemērt për të gjithë socialistët dhe shqiptarët që janë forca e vërtete e ndryshimit.
Mirënjohje për të gjithë ata që bashkuan forcat me mua për të dhënë përulësisht një kontribut modest për Shqipërinë e re.
Punë më të mëdha dhe më të bukura na presin ☺
Optimist për të nesërmen.
#EdiRama #PerShqiperineQeDuam #PS.

(d.b/Shqiptarja.com)