​Mbytjet në plazhe, Vasili: Rama
vë nota, nuk i dhemb për qytetarët

Kryetari i grupit parlamentarë të LSI-së, Petrit Vasili, ka reaguar sot pas tragjedisë në Zvërnec ku humbën jetën 3 të rinj.

Ai ka sulmuar Agjencinë e Bregdetit, duke e vlerësuar me notën zero pas tragjedive të ndodhura.

Vasili sulmoi edhe kryeministrin Rama duke thënë se është një Kryeministër që vë nota dhe që nuk i dhemb për qytetarët që humbin jetën në plazhe.

“Tragjike mbytjet e qytetarëve në plazhet e Shqipërisë.
Vetëm kryeministrit, këtij që vë nota, nuk i dhemb për qytetarë që humbin jetën në këto plazhe.

Kjo Agjencia e Bregdetit që ka përgjegjësi dhe detyrë ruajtjen e bregdetit dhe qytetarëve që frekuentojnë plazhet, notën e ka zero pas tragjedive që s' kanë të mbaruar dhe pas plazheve të ndotura. Këtë notë ia vënë përditë mijëra qytetarë.

Po këta që marrin zero nuk largohen, njësoj si kryeministri në Trieste edhe ky i agjencisë së bregdetit.

Ndaj gajasuni, por edhe indinjohuni me notat që vë kryeministri zero, që adhuron zeron dhe zeroxhinjtë.”, shkruan Vasili.

























    Postimi i Petrit Vasilit në facebook

Auron Tare: Vasili të interesohet në Ministri
Drejtori i Agjencisë së Bregdetit Auron Tare ka reaguar ndaj deklaratës së kreu i grupit parlamentar të LSI që ka kritikuar qeverinë për rastet e mbytjeve në plazhe.
Tare i sugjeron Vasilit të informohet për cështjet e turizmit në Ministrinë e Ekonomisë dhe Turizimit.
“Duke e falenderuar Z. Vasili per shqetesimin e tij per ceshtjet e bregdetit (edhe pse me pak vonese) per ceshtjen ne fjale do ta keshilloja qe te merte nje info me te detajuar aq me shume kur i ka te gjitha mundesite te informohet per ceshtjet e turizmit nga burime shume te besueshme ne Ministrine e Ekonomise dhe Turizmit”.

Redaksia Online
J.Sh.d.b/Shqiptarja.com