POP 5

Lajmet më të lexuara të 5 minutave të fundit

Kronikë

​Nelgert Pata dyshohet si
atentatori i Andi Mustafarajt

Policia dyshon se shoferi i Nelgert Pata ka marrë pjesë në atentat. Shkak për vrasjen e Nelgert Patës dyshohet se është hakmarrja. Sipas Policisë së Tiranës, Nelgert Pata përveçse dyshohet se ka bashkëpunuar për vrasjen e Elton Çiços në Tiranë, mendohet se ka organizuar edhe atentatin ndaj Andi Mustafarajt, gjithashtu në Tiranë.  VIDEO
TIRANE-Shkak për vrasjen e Nelgert Patës dyshohet se është hakmarrja. Sipas Policisë së Tiranës, Nelgert Pata përveçse dyshohet se ka bashkëpunuar për vrasjen e Elton Çiços në Tiranë, mendohet se ka organizuar edhe atentatin ndaj Andi Mustafarajt, gjithashtu në Tiranë.

 Burime të Report TV thonë se, Pata ka ka qenë i dyshuari kryesor, si organizatori i këtij atentati, i cili nuk u realizua dot, pavarësisht se Andi Mustafaraj u qëllua me 2 plumba. Dyshimet e Policisë janë se një ndër personat që ka marrë pjesë në atentatin ndaj Mustafarajt është edhe Ari Alinani, shoferi i Nelgert Patës në momentin që u vra pak ditë më parë në Fier.

Ari Alinani i njohur edhe si Ilirjan Alinani dyshohet se ka marrë pjesë në atentatin ndaj Andi Mustafarajt dhe ka qenë një ndër njerëzit e besuar të Nelgert Patës. Ari Alinani ndodhet në burg, pasi nuk ka bashkëpunuar me policinë për zbulimin e vrasjes së Nelgert Patës. Ai ka thënë para oficerëve të Policisë se ka qenë thjesht shoferi i Patës dhe nuk i ka parë autorët. Por Policia thotë se Ari Alinani ka patur lidhje të ngushtë me Nelgert Patën. Në atentatit që iu bë Nelgert Patës, Alinani mbeti i plagosur.
Ndërkohë policia ende vijon hetimet për autorët që mund të kenë bërë atentatin ndaj Patës. Aktualisht po hetohen disa persona, të cilësuar si miq të Elton Çiços, mes tyre edhe Andi Mustafaraj, por ende nuk janë gjetur provat se kush e ka kryer atentatin.

Përplasja mes dy bandave vijon prej 14 vjetësh, ndërkohë që deri tani janë 4 të vrarë dhe 5 të plagosur, mes tyre edhe Elton Çiço që u vra në datën 1 maj të këtij viti nga Jani Alia dhe Renato Milloshi, të cilët ende nuk janë arrestuar nga policia.

nelgert pata
(Nelgert Pata gjate nje seance gjyqesore)

andi mustafaraj
(Andi Mustafaraj, vendi ku iu be atentati)

(d.b/Shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49