Pas tërheqjes së Silvana Dajës, strukturat e Partisë Socialiste në Kavajë kanë propozuar Klodian Shehin, për të cilin pritet zyrtarizimi nga strukturat drejtuese të partisë. Emri i Shehit, mësohet nga burime të Report Tv se ka marrë pëlqimin e strukturave drejtuese por vendimi përfundimtar nuk është marrë ende.
Ky emër zyrtarizohet pas tërheqjes që bëri Silva Daja një ditë më parë.
Silva Daja, e shpallur nga kryesia e e degës së Partisë Socialiste në Kavajë, kandidate për bashkinë e këtij qyteti, pas shkarkimit të Elvis Rroshit, ka dhënë dorëheqjen nga gara.
Dorëheqja e Silvana Dajes erdhi pas kundërshtive të LSI-së, eksponentët të së cilës deklaruan se PS nuk ishte konsultuar për këtë kandidaturë. Duket se tërheqja ishte më tepër një tjetër lëvizje për stabilitetin e koalicionit mes PS-së dhe LSI-së.
Zgjedhjet në Kavajë priten të mbahen me 7 Maj, por PD dhe LSI kanë deklaruar mospjesëmarrjen.
(d.b/Shqiptarja.com)