​Përgjigje Koresë së Veriut?
SHBA kërkon mbledhje urgjente

SHBA ka deklaruar se raketa që lëshoi Koreja e Veriut në Detin e Japonisë ishte një raketë balistike ndërkontinentale.

Sekretari i Shtetit Rex Tillerson e quajti atë një "përshkallëzim të kërcënimit" ndaj SHBA dhe botës dhe paralajmëroi se Uashingtoni "kurrë nuk do të pranojë një Kore të Veriut me armë bërthamore".
Pheniani e përshkroi si testin e tij të parë të raketave balistike interkontinentale.

Zyrtarët amerikanë besojnë se Koreja e Veriut tani mund të jetë në gjendje të lëshojë një raketë në Alaskë, megjithatë, ekspertët thonë se nuk mund të godasë me saktësi një objektiv.

Vetëm disa orë pas testit të Koresë së Veriut, SHBA kërkoi një takim urgjent të Këshillit të Sigurimit të OKB-së për të diskutuar çështjen.

Një sesion me dyer të mbyllura i trupit prej 15 anëtarësh pritet ditën e sotme rreth orës 15:00, me orën lokale.

Në një deklaratë, Z. Tillerson tha se, “Shtetet e Bashkuara dënojnë me forcë lëshimine një rakete balistike ndërkontinentale nga Korea e Veriut”.

Më herët presidenti Trump ka shkruar në Twitter se, “Është e vështirë të besohet se Koreja e Jugut dhe Japonia do të mund të durojnë edhe për shumë kohë. Ndoshta Kina do të bëjë një lëvizje të fuqishme ndaj Koresë së Veriut dhe t’i japë fund njëherë e përgjithmonë këtij absurditeti”.

Redaksia Online
Er.k/Shqiptarja.com