​Panik në Paris, një person me
thikë në dorë në kullën Eiffel

Një person është arrestuar në Paris pasi kishte tentuar të hynte me forcë në kullën Eiffel, duke kërcënuar me një thikë.

Incidenti në kullën Eiffel, ndodhi rreth orës 23.30 minuta të mbrëmjes së të shtunës, ku pas arrestimit, policia evakuoi kullën.

I arrestuari kish veshur një bluzë të klubit të futbollit Paris Saint Germain dhe kish thirrur Allahu Akbar ndërsa kish tentuar të kalonte rrethimin e sigurisë.

Kulla ishte ndriçuar me ngjyrat e skuadrës së futbollit dhe kishte një ekran të madh në të cilin shfaqej një mesazh mirëseardhjeje për yllin brazilian Neimar, në klub. Prokurorët francezë kanë nisur një hetim anti-terrorizëm për shkak të deklaratave të të arrestuarit para policisë dhe radikalizimit të tij të dukshëm.

Sipas burimeve, i arrestuari është një 19-vjeçar dhe ka një histori të gjatë problemesh psikologjike.

Redaksia Online
J.Sh Shqiptarja.com