​Rama në Kukës: Mos votoni 
për ti gjetur punë Lulit në qeveri

Kryeministri Edi Rama, ishte i pranishëm sot në një takimi elektoral në Kukës, ku tha se qytetarët e Kuksit duhet të votojnë për atë që i bën punën dhe jo për partinë e zemrës.

“Në shumë vite keni dëgjuar, po dëgjoni të tjerë që premtojnë çudira, si ato që do ulin taksat komplet dhe do rrisin shpenzimet.

Politika e përçarjes e cila është ushqyer prej kaq shumë vitesh nga votat e njerëzve të zakonshëm është armiku më i madh. Unë nuk iu them demokratëve nxirreni Saliun nga zemra, vota është çështje mendje jo çështje zemre.

Kur votoni duhet të mendoni për atë që do të bëjë punët e vendit, jo për t’i gjetur një punë Lulit në qeveri” tha Rama.

Redaksia Online
J.Sh Shqiptarja.com