POP 5

Lajmet më të lexuara të 5 minutave të fundit

Arkiva

​Rama thumba me Majkon për PS
Tahiri: Se mos e ha unë si Qemal Stafa

Takimi u shoqërua me batuta edhe mes Ramës e Majkos, Saimir Tahirit e Erion Veliajt. Spikati një personazh me emrin Sadam, i cili kishte shërbyer dikur në RENEA
TIRANE-Kryeministri Edi Rama zhvilloi një takim paraditen e sotme me banorët e Njësisë 5, bashkë me Erion Veliajn e Pandeli Majkon.

Takimi u shoqërua me batuta edhe mes Ramës e Majkos, Saimir Tahirit e Erion Veliajt.

Spikati një personazh me emrin Sadam, i cili kishte shërbyer dikur në RENEA.

Në bisedimin e transmetuar në ERTV, nuk munguan batutat por dhe thumbat mbi partinë.

Rama tha se Majko do të jetë aq i lashtë sa dhe djalit të Zahos do i japë një teser partie. Por dhe Majko nuk kursen përgjigjet, duke u kapur mbi fatin e partisë.

Rama: Do na japesh ndonjë kafe se të kemi ardhur ketu tani. Se nuk e njihni ju, e shihni keshtu, me Majkon po te jesh në kafe të thotë na merr pi kafen time. 126 vjet do rrojë ai, do na shoqërojë në varreza të gjithëve, do japë intervista pastaj, ja si e njihja këtë e atë, apo jo? Pandi do i japë teserën e partisë djalit të Zahos, se e ka zakon për teserat.

Majko: Djalit të Zahos? Do i shpjegoj kur të më pyesë ku vajti partia, hë se do e shpjegojë pak më vonë do i them.

Vjen një qytetar me emrin Sadam.

sadami rama
Rama: Quhesh Sadam?

Sadami: Po ashtu quhem

Rama duke treguar Majkon: Ky është Xhorxh Bush

Majko: Ti jeton në fshat dëgjoje Sadamin cfarë do thotë tashi

Sadami: Mirëserdhe zoti kryeministër në lagjen tonë. Kanë ndodhur ndryshime në lagjen tonë

Rama: Këtë emrin Sadam kush ta ka vënë Pandi?

Sadami: U ndërrua sistemi, unë punoja tek forcat RENEA e Policia e Shtetit. Më pas më vunë pseudonim

Majko: Te lufta e Kuvajtit

Rama: E mo lali Eri e sheh, apo jo mo Saje Qorri

Majko: Si vajti kjo punë, lali Eri, Lali Pandi, lali Sajmiri

Rama: Unë jam Edvin Droga, ai Saje Qorri se kështu na kanë cilësuar. Ti Saimir je zhytur në narkosocializëm, ke Norigen, Sadamin e Xhorxh Bush këtu

Rama: O Pandeli në Varrezat e Dëshmorëve e ke parë sa është transformuar

Majko: Pyet këta sa kanë me familjen e LANÇ se LANÇ na ka mbledhur ne pa LANC nuk ka PS

Rama: Pse këtu nuk na the ndonjë gjë të re

Majko: Kjo qe ke dëshmor në familje të krenon pak

Rama: Pse mo do të krenohem se kam dëshmor në familje tani, secili krenohet me punën e vet

Veterani: Mund të jetë nipi qerrata e pastaj hajde krenohu

Majko: Ekzakt, e qerrata, qerrata, po të kemi kujdes se jemi në ERTV ne tani live (qesh)

Rama: Ti je në rregull, je dëshmor i gjallë, apo je në tentativë

Majko: Kur dilte Tahiri e fliste për fondacionin ‘Qemal Stafa’,  ne thoshim, oi po ky sa i ngjaka Qemal Stafës

Tahiri: Se mos e ha dhe unë si Qemal Stafa (plas gazi)

Rama: Kur e ke bërë programin e pensioneve, ua ke prezantuar?

Majko: Po mo po, pse nuk janë takuar me deputetin 4 vjet ata, po mo po do u vete të gjithëve e do u shpjegoj, ore, këta me PS nuk duan të dëgjojnë, janë të gjithë shumë të qartë që puna ka radhë, këta duna të shikojnë. Në momentin që do shohin se cfarë ka ndryshuar nga PS do shohin cfarë ka ndryshuar para praghut të derës së vet. Se jo të gjitha llafet e politikës i besojnë

Rama: Ore ca thua ti, u ke thënë që janë 240 milionë dollarë për rritje pensionesh, ua ke thënë këtë

Majko: Jo këtë nuk ua kam thënë

Rama: Lali Eri, ca thoshte Fevziu mbrëmë”, e pyeti Rama kryebashkiakun Veliaj për intervistën e mbrëmshme?

Veliaj iu përgjigj jo pa humor: E mora me zor pas emisionit e cova te sheshi “Skenderbej”. I pëlqeu shumë, bëri edhe foto.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35