​Rama: Zbatimi i Vettingut nisi
sado ta vonojnë, s'do e ndalojnë

Kryeministri Edi Rama ka shkruar në rrjetin social Facebook, menjëherë pas votimit në Kuvend të ngritjes së komisionit të Vettingut dhe përbërjes së tij me tre anëtarët e shumicës.
 
Rama shkruan se vota unanime në Kuvend është pikënisja e zbatimit të ligjit të shumëdiskutuar të Reformës në Drejtësi.
 
Megjithatë, kryeministri pranon se pa tre vendet e opozitës, funksionimi i komisionit ad hoc është i pamundur.

Ai shton se kjo situatë mund të vonojë zbatimin e ligjit, por ai nuk do të ndalohet.
 

(Postimi i Ramës në Facebook)

"Procesi i zbatimit të Ligjit të Vetingut nisi me votën e Kuvendit sapo👍Mund ta vonojnë po as Vetingun as Shqipërinë nuk e ndalojnë dot", shkruan Rama. 

Kuvendi votoi sot në seancë të jashtëzakonshme ngritjen e komisionit të Vettingut me tre anëtarë të mazhorancës.

Ndërkohë, që ky komision të jetë funksional, janë të domosdoshëm 6 anëtarët e tij. Pra, për zbatimin e Vettingut nevojiten edhe tre anëtarët e opozitës.

Redaksia Online
l.q/Shqiptarja.com