Një tjetër skandal ka prekur kishën, por këtë herë bëhet fjalë për kishën gjermane, ku të paktën 547 fëmijë të korit të famshëm katolik të Ratisbonne, janë bërë viktimave të abuzimeve, ku përfshihen edhe abuzimet seksuale.

Sipas një raporti të publikuar ditën e djeshme, afërsisht 500 fëmijë të korit “Regensburger Domspatzen”, janë dhunuar fizikisht dhe 67 prej tyre janë bërë objekt i dhunës seksuale, të ushtruar mes viteve 1945 deri në fillim të viteve 90-të.

Skandali shpërtheu në vitin 2010 në Gjermani, ndërkohë që shifrat e dhëna nga raporti i ri mbi abuzimet ndaj fëmijëve, janë edhe më të larta se raporti i 2016, ku ishin raportuar 231  viktima.

Faktet e reja nxjerrin në pah shkelje dhe kime të cilat varjojnë nga privimi i ushqimit e deri në abuzimin seksual. Shumë prej rasteve janë zbardhur më parë dhe nuk pritet që 49 autorët e dyshuar të akteve të dhunës të ndiqen penalisht.

Redaksia Online
D.T/Shqiptarja.com