TIRANE-Dita e parë e vitit 2017 ka sjellë edhe incidentin e parë. Në rrugën ‘Demokracia’ në Bathore ka ndodhur një shpërthim.

Policia e Tiranës thotë se shpërthimi ndodhi rreth orës 3:40 minuta pranë një lokali. Si pasojë e shpërthimit ka pasur vetëm dëme materiale në lokalin i cili është në pronësi të SH.D.
Burime nga Policia bëjnë me dije se shpërthimi është kryer me lënë plasëse eksploziv. Mendohet se tritoli që është vendosur te lokali ka lidhje me konflikte të mëparshme.

Policia po heton në disa pista, por ende nuk është bërë identifikimi i autorëve.
 
“Më datë 01.01.2017, rreth orës 3:40, në rrugën "Demokracia", Bathore, Tiranë, ka ndodhur një shpërthim në lokalin e shtetasit Sh. D.
Si pasojë e shpërthimit ka patur vetëm dëme të lehta materiale në fasadën e lokalit.
Nga hetimet paraprake dyshohet se shpërthimi është kryer me lëndë plasëse eksplozive.
Grupi hetimor po punon për identifikimin dhe kapjen e autorit të kësaj vepre”, thuhet më tej në njoftimin e policisë.

(d.b/Shqiptarja.com)