Kryesuesit e kampionatit arritën të kalonin në avantazh të dyfishtë në minutën e 12 dhe 54. Momenti i kthesës për ekipin e Tramezzanit ishte minuta e 60 kur sulmuesi shqiptar nga Maqedonia, Ezgjan Alioski, çoi në rrjetë një top nga pika e bardhë e penalltisë.
Goli i barazimit me protagonist Armando Sadikun erdhi në minutën e 80 të takimit.
Sulmuesi kuqezi vendos ekuilibrin në fushë pasi shënon me gjoks në në portën e Bazelit. Ky ishte goli i tetë i Sadikut qëkur firmosi për Luganon në kampionatin zviceran.
Pas këtij barazimi, Lugano ka 44 pikë në vendin e katërt, çka do të thotë kualifikim në Europa League, ndërsa Bazeli ka mbyllur llogaritë e titullit me 78 pikë, plot 19 më shumë se ndjekësit e Young Boys.